ប្រទេសអង់គ្លេសហាមឃាត់ការដំឡើងឧបករណ៍ Huawei 5G ថ្មី ចាប់ពីខែកញ្ញាឆ្នាំ ២០២១

//s9.kh1.co/2f/2fbca4864c52963bfb732cb3028e96e1d3f60480.png
បច្ចេកវិទ្យា

 ៣០-វិច្ឆិកា-២០២០ ៣ល្ងាច · ៣ ឆ្នាំមុន

សេចក្តីប្រកាសកាលនៅថ្ងៃច័ន្ទ ធ្វើឡើងមុនពេលជជែកដេញដោលអំពីច្បាប់ទូរគមនាគមន៍ថ្មីនៅក្នុងសភា​ និងកំណត់ពេលវេលាដកឧបករណ៍ចេញ

អង់គ្លេស៖ រដ្ឋាភិបាលអង់គ្លេសបាននិយាយនៅថ្ងៃចន្ទនេះថា ក្រុមហ៊ុនទូរគមនាគមន៍អង់គ្លេសមិនត្រូវដំឡើងឧបករណ៍ថ្មីរបស់ក្រុមហ៊ុន Huawei 5G ទេ បន្ទាប់ពីខែកញ្ញាឆ្នាំ ២០២១ តទៅ ដែលនេះគីជាផែនការដកឧបករណ៍របស់ក្រុមហ៊ុនចិន ចេញពីបណ្តាញទូរស័ព្ទល្បឿនលឿន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រទេសអង់គ្លេសបានបញ្ជាឱ្យដកឧបករណ៍ Huawei ទាំងអស់ចេញពីបណ្តាញ 5G របស់ខ្លួនឱ្យអស់នៅចុងឆ្នាំ ២០២៧  ដោយអនុលោមតាមសម្ព័ន្ធមិត្ត រួមមានសហរដ្ឋអាមេរិកដែលនិយាយថាក្រុមហ៊ុននេះបង្កហានិភ័យផ្នែកសុវត្ថិភាព។

ប្រទេសចិនបានធ្វើការរិះគន់ចំពោះការសម្រេចចិត្តនេះ ខណៈពេលដែលក្រុមហ៊ុន Huawei បាននិយាយកាលពីសប្តាហ៍មុនថាខ្លួនមានការខកចិត្ត ដែលប្រទេសអង់គ្លេសកំពុងព្យាយាមដក Huawei មិនឱ្យចូលរួមក្នុងបច្ចេកវិទ្យា 5G បន្ទាប់ពីមានការចេញច្បាប់ថ្មីដែលចែងថាក្រុមហ៊ុននឹងត្រូវពិន័យ ១០០,០០០ ផោន (១៣៣,១៤០ ដុល្លារ) ប្រសិនបើពួកគេរំលោភបម្រាមនេះ។

Huawei  logo
Huawei  logo

រដ្ឋមន្រ្តីបច្ចេកវិទ្យាឌីជីថល លោក Oliver Dowden បាននិយាយនៅក្នុងសេចក្តីថ្លែងការណ៍មួយថា៖ «ខ្ញុំសម្រេចចិត្តច្បាស់ណាស់ ទៅលើការដកអ្នកផ្គត់ផ្គង់ដែលអាចបង្កហានិភ័យខ្ពស់ ចេញពីបណ្តាញ 5G របស់យើង។» លោកក៏បន្ថែមថា៖ «ការធ្វើបែបនេះគីដើម្បីកំណត់ និងហាមឃាត់ឧបករណ៍ទូរគមនាគមន៍ណា ដែលអាចបង្កការគំរាមកំហែងដល់សន្តិសុខជាតិរបស់យើង»៕

Thann Ravann
ថាន់ រ៉ាវណ្ណ

អត្ថបទទាក់ទង

//s9.kh1.co/ef/ef760b0f811b181012cac2058b3a6e5f6a63de52.jpg

ក្រុមហ៊ុន Epson សូមណែនាំ EcoBear ជាទូតសុច្ឆន្ទៈតំណាងឱ្យម៉ាស៊ីនព្រីនម៉ូឌែល EcoTank និងបានត្រៀមខ្លួនជាស្រេចដើម្បីនាំយកបច្ចេកវិទ្យាមិនប៉ះពាល់បរិស្ថានដល់វិស័យអាជីវកម្មកម្ពុជា

 ២១-មីនា-២០២៤ 
 ១ល្ងាច · ៨ ថ្ងៃមុន
រក្សាសិទ្ធិ Mediaload
Powered by Bong I.T Bong I.T