Liverpool គ្រោងចូលប្រជែងជាមួយ R. Madrid តាមប្រមាញ់ យកតារាឆ្នើមនៅ Serie A រូបនេះ

បរទេស៖ បើយោងតាមទស្សនារដ្ដី Don Balon របស់អេស៉្បាញបានឲ្យដឹងថាក្លិបហង្សក្រហម Liverpool កំពុងមានគម្រោងចូលប្រជែងជាមួយ Real Madrid ក្នុងការផ្ទេរយកខ្សែបម្រើវ័យ២៥ឆ្នាំ Sergej Milinkovic-Savic ពីក្លិប Lazio របស់អ៊ីតាលីនៅដើមឆ្នាំ២០២១ខាងមុខនេះ។

ជាក់ស្តែងមូលហេតុដែលលោកគ្រូបង្វឹក Jurgen Klopp ចង់បានរូបគេមកលេងនៅទឹកដី Anfield នោះគឺ ដោយសារតែខ្សែបម្រើជួរមុខ James Milner មានវ័យកាន់តែជ្រេទៅហើយ រីឯកីឡាករ​ Georginio Wijnaldum ក៏ជិតអស់កុងត្រាជាមួយក្លិបនៅ Premier League មួយនេះផងដែរ។ យ៉ាងណាមិញបើតាមគេហទំព័រ Transfermarkt ក្លិប Lazio អាចនឹងទាមទារតម្លៃខ្លួន Savic ប្រមាណ៦៥លានអឺរ៉ូ (ឬ៧៨លានដុល្លារ)។

ដោយឡែកក្រៅពី Liverpool នៅមានក្លិបលោក Zinedine Zidane មួយទៀតដែលកំពុងចាប់អារម្មណ៍ចង់បានរូបគេទៅរួមក្រុមដែរនោះ ពោលក្លិបយក្សអេស៉្បាញមួយនេះចង់យករូបគេមកស្នងតំណែងខ្សែបម្រើជើងចាស់ Luka Modric ៕

ប្រភព៖ caughtoffside