បរទេស៖ នៅពេលដែលភពផែនដីបាំងពន្លឺព្រះអាទិត្យ ហើយស្រមោលរបស់ផែនដីជះមកកាន់តំបន់លើឋានព្រះចន្ទ នោះគេហៅថាចន្ទ្រគ្រាស។ ថ្វីត្បិតតែនៅថ្ងៃទី៣០ ខែវិច្ឆិកានេះ មានបាតុភូតចន្ទ្រគ្រាសក៏ពិតមែនក្ដី ក៏វាមិនមែនជាព្រឹត្តិការណ៍សម្រាប់ប្រទេសកម្ពុជានោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា ចន្ទ្រគ្រាសប្រភេទនេះត្រូវបានគេហៅថា penumbral lunar eclipse ហើយវាជាប្រភេទដែលគេពិបាកនឹងមើលដឹងថា ព្រឹត្តិការណ៍ចន្ទ្រគ្រាសកំពុងកើតឡើង។ យ៉ាងណាក៏ដោយ ចន្ទ្រគ្រាសមួយនេះក៏មិនបានឆ្លងកាត់ប្រទេសកម្ពុជាពេញលេញដែរ តែបើឆ្លងកាត់ក៏នៅតែពិបាកនឹងពិនិត្យមើលផងដែរ។
នៅថ្ងៃនេះដែរ វានឹងឆ្លងកាត់នៅក្នុងតំបន់ប្រទេសមួយចំនួនដូចជា អឺរ៉ុប អាស៊ី អូស្ត្រាលី អាមេរិកខាងជើង អាមេរិកខាងត្បូង តំបន់ប៉ាស៊ីហ្វិក អាត្លង់ទិក និងអាកទិក។ ចន្ទ្រគ្រាសមួយនេះនឹងចាប់ផ្ដើម នៅវេលាម៉ោង២:៣២រសៀល ហើយស្ថិតនៅអតិបរិមានៅម៉ោង៤:៤២ល្ងាច និងបញ្ចប់ទាំងស្រុងនៅម៉ោង៦:៥៣ល្ងាច។
សរុបមក ប្រទេសដែលស្ថិតនៅក្នុងព្រឹត្តិការណ៍នេះ នឹងមើលឃើញព្រះចន្ទនៅតែបញ្ចេញពន្លឺធម្មតា ប៉ុន្តែមានភាពស្រអាប់ជាងមុន ក៏ព្រោះមានត្រឹមតែស្រមោលខាងក្រៅរបស់ផែនដីបានជះទៅឋានព្រះចន្ទប៉ុណ្ណោះ។ ចន្ទ្រគ្រាសមួយនេះមានរយៈពេល៤ម៉ោងនិង២១នាទី៕