អូសាកា៖ អ្នកប្រើប្រាស់បណ្តាញសង្គមជាច្រើនមានការភ្ញាក់ផ្អើល ក្រោយខ្សែវីដេអូមួយដែលគេចែករំលែក បានបង្ហាញឱ្យឃើញទេពច្យុតដែលមានពន្លឺភ្លឺខ្លាំង ហោះពីលើផ្ទៃមេឃក្នុងប្រទេសជប៉ុន កាលពីព្រឹកព្រលឹម ថ្ងៃទី ២៩ ខែវិច្ឆកា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទេពច្យុតនេះ ត្រូវបានគេស្គាល់ថា ជាប្រភេទ Bolide ដែលជាធម្មតាពន្លឺរបស់វា ភ្លឺប្រហែលនឹងព្រះចន្ទពេញវង់។ បុរសវ័យជាង ២០ឆ្នាំម្នាក់ ដែលរស់នៅទីក្រុង Gifu បានថតជាប់ទេពច្យុតនេះ នៅពេលវាហោះបញ្ចេញពន្លឺលើផ្ទៃមេឃ នៅម៉ោងប្រហែល ១:៣៥ នាទីព្រឹក។
លោក Takeshi Inoue មកពីសារមន្ទីរវិទ្យាសាស្ត្រ Akashi Municipal Planetarium ក្នុងខេត្ត Hyogo បានលើកឡើងថា ទេពច្យុតដែលមានពន្លឺភ្លឺជាងភពសុក្រ ជាទូទៅត្រូវបានគេស្គាល់ថា ជាប្រភេទ ទេពច្យុត Bolide ។ ប៉ុន្តែវាកម្រនឹងមានពន្លឺភ្លឺបែបនេះណាស់។
គួរជម្រាបថា កាលពីខែកក្កដា ទេពច្យុតដែលមានពន្លឺភ្លឺស្រដៀងគ្នានេះ ត្រូវបានគេសង្កេតឃើញហោះពីទិសនិរតីឆ្ពោះទៅទិសឦសាន ពីលើផ្ទៃមេឃទីក្រុងតូក្យូ។ ហើយក្រោយមក វាត្រូវបានគេកំណត់ថាជាដុំអាចម៍ផ្កាយ បន្ទាប់ពីបំណែករបស់វា ត្រូវបានប្រទះឃើញធ្លាក់នៅក្នុងខេត្ត Chiba ៕
មានរូបភាពខាងក្រោម៖