មកដល់យប់នេះ ករណីពុលស្រា.ស នៅកំពង់ឆ្នាំង អ្នកស្លាប់កើនឡើង៥នាក់ និងអ្នករងគ្រោះ១១៥នាក់

//s9.kh1.co/73/734c909b58747ef5c819b8740ec3406c0447acdc.jpg
សង្គម

 ២៩-វិច្ឆិកា-២០២០ ១១ល្ងាច · ៣ ឆ្នាំមុន

ករណីពុលស្រា.ស បានធ្វើឲ្យមនុស្សស្លាប់ កើនឡើង៥នាក់ និងអ្នករងគ្រោះ១១៥នាក់ នៅខេត្តកំពង់ឆ្នាំង ហើយនៅពេលនេះ គ្រូពេទ្យ ក៏កំពុងតែប្រញាប់ដៃជើង ព្យាបាលអ្នករងគ្រោះបន្តទៀត។

កំពង់ឆ្នាំង៖ យោងតាមផេកផ្លូវរបស់ ក្រសួងសុខាភិបាល បានឲ្យដឹងថា គិតត្រឹមម៉ោង១៨:០០នាទីនៃថ្ងៃទី២៩​ ខែវិច្ឆិកា​ ឆ្នាំ២០២០​៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

​យោងតាមរបាយការណ៍​របស់មន្ទីរសុខាភិបាលខេត្តកំពង់ឆ្នាំង​ ករណីសង្ស័យពុលស្រាសនៅខេត្តកំពង់ឆ្នាំង​ នាថ្ងៃទី២៨​ ខែវិច្ឆិកា​ ឆ្នាំ២០២០​ បានកេីតឡេីងនៅឃុំខ្លុងពពក​ ស្រុកទឹកផុស​ ខេត្តកំពង់ឆ្នាំង​ ដែលមានដូចតទៅ៖

១.​ បានទទួលព្យាបាល​អ្នកមានអាការ:សង្ស័យពុលស្រាស​ នៅមន្ទីរពេទ្យខេត្ត​កំពង់ឆ្នាំង​ មានចំនួន​ ១០៥នាក់​ (ស្រី​ ៦នាក់)​ ក្នុងចំណោមនោះ​ អ្នកមានស្ថានភាពធ្ងន់ធ្ងរចំនួន​ ៦នាក់​ និងបានបញ្ជូន​ទៅមន្ទីរពេទ្យកាល់ម៉ែតចំនួន ០៥នាក់​ (ស្លាប់នៅតាមផ្លូវ​ពេលបញ្ជូនចំនួន​ ០២នាក់​ និងករណីនៅធ្ងន់ធ្ងរកំពុងសង្គ្រោះ​ ០១នាក់)​ មានករណីស្លាប់នៅមន្ទីរពេទ្យខេត្ត​កំពង់ឆ្នាំង​ ០១នាក់​ ស្លាប់នៅផ្ទះ​ ០១នាក់​ និងបានព្យាបាលនៅមណ្ឌលសុខភាពអភិវឌ្ឍន៍​ ចំនួន​ ១០​ នាក់។

ជាសរុប​ អ្នករងគ្រោះ​ចំនួន​ ១១៥​នាក់​ (ស្រី៦នាក់)​ ក្នុងនោះស្លាប់​ ៥នាក់។

បច្ចុប្បន្នអ្នកជំងឺដែលកំពុងសម្រាកព្យាបាល​ មានការវិវត្តន៌មកស្ថានភាពល្អ​ប្រសេីរវិញហេីយ។

មូលហេតុអ្នក​ទាំងអស់ខាងលេីបានមកចូលរួមកំដរបុណ្យសពក្នុងភូមិ​ ហើយជួបជុំគ្នាពិសារស្រាស​ រីឯការសន្និដ្ឋានរបស់ក្រុមការងារចុះស្រាវជ្រាវពិនិត្យ​ គឺជាករណីសង្ស័យពុលស្រាស។

វិធានការណ៏​ និងអន្តរាគមន៌ជួយដល់អ្នកសង្ស័យពុលស្រាស​ មានដូចតទៅ​ ៖

-​ ពេលទទួលបានព័ត៌មាននៅល្ងាចថ្ងៃទី២៨​ ខែវិច្ឆិកា​ ឆ្នាំ២០២០​ ឯកឧត្តមសាស្ត្រាចារ្យ​ ម៉ម​ ប៊ុនហេង​ រដ្ឋមន្ត្រីក្រសួងសុខាភិបាល​ បានចាត់ថ្នាក់ដឹកនាំជាន់ខ្ពស់ចំនួន​ ០៣រូប​ និងមានក្រុមឆ្លេីយតបបន្ទាន់នៃនាយកដ្ឋានប្រយុទ្ធនឹងជំងឺឆ្លងនៃកហរសួងសុខាភិបាល​ ចុះធ្វេីដំណេីរទាំងយប់ទៅខេត្តកំពង់ឆ្នាំង​ ដេីម្បីជួយការងារបច្ចេកទេសដល់មន្ទីរសុខាភិបាលខេត្តកំពង់ឆ្នាំង​ រហូតដល់ស្ថានភាពគ្រប់គ្រងបានទាំងស្រុង។

-ចាត់វិធានការណ៏ហាមការផឹកស្រាស​ និងបញ្ឈប់ការធ្វេីចរាចរលក់ដូរស្រាស​ ជា​បន្ទាន់​។

-​ បានសង្រ្គោះជនរងគ្រោះ​ បញ្ជូនមកព្យាបាលនៅមន្ទីរពេទ្យខេត្កំពង់ឆ្នាំងបានទាន់ពេល​ លេីកលែងអ្នកដែលមានសភាពធ្ងន់ធ្ងរពេកដែលបានបាត់បង់ជីវិតគួរឲ្យសោកស្តាយជាទីបំផុត។

-​ បន្តអប់រំសុខភាពប្រជាពលរដ្ឋជាបន្តទៀត​ ជាពិសេសមិនត្រូវពិសារស្រាសដែលផលិតគ្មានបច្ចេកទេសត្រឹមត្រូវ។

ព័ត៌មានដោយលោកជំទាវវេជ្ជបណ្ឌិត​ ឱ​ វណ្ណឌីន​ រដ្ឋលេខាធិការ​ និងជាអ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា។

https://s9.kh1.co/__image/w=650,h=367,q=100/a6/a6acf8c0338e42372556e090b3c5f4d025fc2d4c.jpg
https://s9.kh1.co/__image/w=650,h=367,q=100/a6/a6acf8c0338e42372556e090b3c5f4d025fc2d4c.jpg
Keo Nika
KK

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T