ផេនឃ្វីនពណ៌សដ៏កម្រមួយក្បាល ត្រូវបានគេប្រទះឃើញនៅលើកោះមួយក្នុងប្រទេសអេក្វាឌ័រ

អេក្វាឌ័រ៖ ថ្មីៗកន្លងទៅនេះ សត្វផេនឃ្វីនពណ៌សដ៏កម្រមួយក្បាល ត្រូវបានគេប្រទះឃើញនៅលើកោះ Galapagos ក្នុងប្រទេសអេក្វាឌ័រ ដែលគេជឿជាក់ថា នេះជាលើកទីមួយក្នុងប្រវត្តិសាស្ត្រនៃកោះផងដែរ។

យោងតាមសម្ដីរបស់លោក Jimmy Patino ដែលជាមគ្គុទេសក៏ទេសចរណ៍ម្នាក់ បានឲ្យដឹងថា នៅថ្ងៃនោះ លោកបាននាំភ្ញៀវទេសចរចំនួនពីរនាក់ដើរលេងកម្សាន្ត ហើយក៏បានឃើញផេនឃ្វីនមួយក្បាល កំពុងឈរយ៉ាងស្ងៀមស្ងាត់ក្បែរសត្វត្រកួត ដែលមានទំហំធំជាងវាដល់ទៅពីរដងឯណោះ។ ហើយលក្ខណៈពីសេសរបស់វា គឺមានពណ៌សសឹងតែពេញមួយតួខ្លួនតែម្ដង ដោយមានពណ៌ខ្មៅព្រាលៗបន្ដិចបន្ដួច ដែលខុសពីផេនឃ្វីនទូទៅ មានក្បាលពណ៌ខ្មៅ និងពណ៌សចាប់ពីក្រោម.កដល់ពោះប៉ុណ្ណោះ៕

យ៉ាងណាមិញ មកទល់ពេលនេះ មិនទាន់មាននរណាម្នាក់អាចដឹងច្បាស់ពីប្រភេទពូជរបស់ផេនឃ្វីនមួយក្បាលនេះ ឬមូលហេតុឡើយ តែគេគិតថា វាអាចជាផេនឃ្វីនពូជ Spheniscus mendiculus៕

សូមទស្សនារូបភាពខាងក្រោម៖