បរទេស៖ ផែនទីថ្មីនៃកាឡាក់ស៊ីមីលគីវ៉េបង្កើតឡើងដោយក្រុមអ្នកជំនាញអវកាសជប៉ុន បានដាក់ទីតាំងរបស់ផែនដីមានចម្ងាយ ពីប្រហោងខ្មៅនៃចំណុចកណ្ដាលនៃកាឡាក់ស៊ីមីលគីវ៉េ ជិតជាងមុន២,០០០ឆ្នាំពន្លឺ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សផែនទីនេះបានលើកឡើងថា ចំណុចកណ្ដាលនៃកាឡាក់ស៊ីមីលគីវ៉េនិងប្រហោងខ្មៅដែលស្ថិតនៅទីតាំងនោះ មានចម្ងាយ២៥,៨០០ឆ្នាំពន្លឺពីផែនដី។ អង្គការអង្កេតរបស់ជប៉ុនបាននិយាយថា នេះគឺជិតជាងតម្លៃផ្លូវការកាលពីមុន ដែលមានចម្ងាយ២៧,៧០០ឆ្នាំពន្លឺ ដែលត្រូវបានអនុម័តដោយសហភាពតារាសាស្ត្រអន្តរជាតិ នៅក្នុងឆ្នាំ១៩៨៥។ លើសពីនេះទៅទៀត យោងតាមផែនទីថ្មីនេះ ប្រព័ន្ធព្រះអាទិត្យរបស់យើងកំពុងធ្វើដំណើរក្នុងល្បឿន២២៧គីឡូម៉ែត្រក្នុងមួយវិនាទី ខណៈពេលដែលវាវិលជុំវិញខ្លួនឯងលឿនជាងតម្លៃផ្លូវការនៃ២២០គីឡូម៉ែត្រក្នុងមួយវិនាទី។
តម្លៃដែលបានធ្វើបច្ចុប្បន្នភាពទាំងនេះគឺជាលទ្ធផលនៃការអង្កេត អស់រយៈពេលជាង១៥ឆ្នាំ ដោយគម្រោងតារាសាស្ត្រជប៉ុន VERA នេះបើយោងតាមសេចក្ដីប្រកាសមួយ ដែលចេញផ្សាយកាលពីថ្ងៃព្រហស្បតិ៍ ពីក្រុមអង្កេតជាតិរបស់ជប៉ុន។ ដោយសារផែនដីស្ថិតនៅក្នុងកាឡាក់ស៊ីមីលគីវ៉េ គេពិបាកចេញទៅក្រៅ ដើម្បីមើលថាតើកាឡាក់ស៊ីមីលគីវ៉េមានរូបរាងដូចម្ដេច។
ដើម្បីទទួលបានលទ្ធផល គម្រោងមួយនេះបានប្រើខ្នាតតារាសាស្ត្រ ដើម្បីវាស់ទីតាំងនិងចលនារបស់អង្គផ្សេងៗ ដើម្បីយល់ច្បាស់អំពីរចនាសម្ព័ន្ធទាំងមូលនៃទីតាំងមីលគីវ៉េនិងទីតាំងរបស់ផែនដី។ ប្រហោងខ្មៅមួយនេះត្រូវបានគេឲ្យឈ្មោះថា Sagittarius A* ឬ Sgr A* ហើយវាមានទំហំធំជាងព្រះអាទិត្យរបស់យើង៤.២លានដង៕