តារាជួរមុខរូបនេះបានសម្រេចចិត្តថានឹងចាកចេញពី Man City នៅរដូវក្ដៅឆ្នាំក្រោយហើយ

អង់គ្លេស៖ បើយោងតាមគេហទំព័រ The Sun បានឲ្យដឹងថាខ្សែបម្រើវ័យ៣៥ឆ្នាំ Fernandinho បានសម្រេចចិត្តថានឹងចាកចេញពីក្លិប Manchester City នៅចុងរដូវកាល២០២០/២១នេះហើយ។

គួររម្លឹកដែរថា កីឡាករសញ្ជាតិប្រេស៊ីលរូបនេះបានផ្លាស់ចេញពីក្លិប Shakhtar Donetsk មករួមជាមួយ Man City កាលពីឆ្នាំ២០១៣ ដោយបង្ហាញខ្លួនសរុបឲ្យក្លិបអ្នកមានអង់គ្លេសមួយនេះបានរហូតដល់ទៅ២២៩ប្រកួត នៅក្នុងក្រមខ័ណ្ឌ Premier League ។ ក្នុងនោះដែរកុងត្រារបស់គេជាមួយក្លិបលោក Pep Guardiola មួយនេះនៅត្រូវអស់សុពលភាពនៅខែមិថុនា ឆ្នាំ២០២១ ខាងមុខ។

ដោយឡែកមូលហេតុដែលធ្វើឲ្យរូបគេសម្រេចចិត្តចាកចេញបែបនេះគឺដោយសារតែបច្ចុប្បន្ន Man City កំពុងសម្បូរទៅដោយខ្សែបម្រើល្អៗគរជើងគ្នាជាច្រើនដូចជា​ Kevin De Bruyne, Phil Foden, Rodri និង Bernardo Silva ជាដើម។​ ហើយសម្រាប់គោលដៅបន្ទាប់នោះ​ Fernandinho កំពុងសម្រេចចិត្តរវាងការផ្ទេរទៅលេងនៅលីកកំពូលអាមេរិក ឬក៏ត្រឡប់ទៅលេងនៅស្រុកកំណើតវិញ៕

ប្រភព៖ thesun