កាលពីការប្រកួតយប់មិញនេះក្រុមយក្សស Real Madrid បានបរាជ័យក្នុងទឹកដីខ្លួនឯង ក្រោមថ្វៃជើងក្រុម Alves ក្នុងលទ្ធផល១ទល់នឹង២ ។ Alves បានរកគ្រាប់បាល់នាំមុខទី២របស់ខ្លួនក្រោយអ្នកចាំទីរបស់ Real Madrid កីឡាករ Thibaut Courtois បានបង្កកំហុសបញ្ជូនបាល់មិនបានល្អ ដូចជួយផ្ដល់ឱកាសឲ្យគូប្រកួតរកគ្រាប់បាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមភ្ញៀវ Alves បាននាំមុខលើក្រុមម្ចាស់ផ្ទះ Real Madrid ១ទល់នឹង០នៅដើមតង់ទី១ ពោលគឺការប្រកួតចាប់ផ្តើមបានទើបតែ៥នាទីប៉ុណ្ណោះ ខ្សែការពារ Nacho បានបង្កកំហុសប៉ះដៃនៅតំបន់គ្រោះថ្នាក់ ធ្វើឲ្យគូប្រកួតមានឱកាសរកបានបាល់ពិន័យ១១ម៉ែត្រនាំមុខ១គ្រាប់នៅនាទីទី៥ ។
ឈានចូលដល់តង់ទី២ក្រុមភ្ញៀវ Alves មានសំណាងរកបានមួយគ្រាប់ទៀតនាំមុខលើក្រុមម្ចាស់ផ្ទះ បន្ទាប់ពីអ្នកចាំទី Thibaut Courtois បានបង្កកំហុសបញ្ជូនបាល់ឲ្យមិត្តរួមក្រុមមិនបានល្អ ធ្វើឲ្យកីឡាករ joselu របស់ក្រុម Alves ដណ្តើមយកបាល់បាន និងបំប៉ោងសំណាញ់ទីបានយ៉ាងងាយស្រួលនៅនាទីទី ៤៩ ។
ខណៈការប្រកួតធ្វើឡើងក្នុងដីខ្លួនឯង ក្រុមម្ចាស់ផ្ទះ Real Madrid មិនបន្តបើកដៃឲ្យក្រុមភ្ញៀវធ្វើព្យុះភ្លៀងតាមចិត្តឡើយ ដោយបន្តរវាយបករហូតរកបានមួយគ្រាប់វិញនៅចុងម៉ោងនាទីទី ៨៩ ដោយខ្សែការពារសញ្ជាតិប្រេស៊ីល Casemiro ។ ធ្វើឲ្យការប្រកួតបានបញ្ចប់ទៅក្នុងលទ្ធផល Real Madrid ១-២ ដែលរកបានដោយ Alves។
គួរបញ្ជាក់ផងដែរថា Real Madrid កំពុងឈរលេខ៤ កំពូលតារាងមាន១៧ពិន្ទុ តាមពីក្រោមក្រុមលេខ១កំពូលតារាង Real Sociedad ដែលមាន២៣ពិន្ទុ ខណៈក្រុមឈរលេខ២ Atletico Madrid មាន២៣ពិន្ទុនិងនៅ សល់១ប្រកួតទៀតក្នុងដៃ៕
សូមទស្សនាវីដេអូខាងក្រោម៖