ប៉ារីស៖ កាលពីថ្ងៃសៅរ៍នេះ ក្រុមបាតុកររាប់ម៉ឺននាក់បានបានដុតបំផ្លាញរថយន្ត និងបាញ់កម្ទេចធនាគារកណ្តាលមួយនៃប្រទេសបារាំង ខណៈដែលពួកគេធ្វើការតវ៉ាតាមដងផ្លូវទីក្រុងក្នុងប្រទេសបារាំង ដើម្បីប្រឆាំងរារាំងនឹងការចេញច្បាប់មិនឱ្យអ្នកសារព័ត៌មាន រាយការណ៌ព័ត៌មានអំពីអំពើឃោរឃៅរបស់ប៉ូលិស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមសេចក្តីព្រាងច្បាប់នេះ វាគីជាបទឧក្រិដ្ឋមួយ បើសិនជនណាម្នាក់ហ៊ានផ្សព្វផ្សាយរូបថត ឬវីដេអូរបស់មន្រ្តីប៉ូលិស ដោយមានចេតនាធ្វើបាបមន្ត្រីប៉ូលីសនោះ។ រដ្ឋាភិបាលបារាំងបាននិយាយថាច្បាប់នេះគីចាំបាច់ដើម្បីការពារប៉ូលីសពីការវាយប្រហារហិង្សាផ្សេងៗ។
ការតវ៉ាដោយសន្តិវិធីភាគច្រើនបានធ្វើឡើងអស់រយៈពេលមួយសប្តាហ៍មកហើយ បន្ទាប់ពីផ្ទុះវីដេអូមួយដែលប៉ូលីសវាយលោក Michel Zecler ដែលជាអ្នកផលិតតន្រ្តីជនជាតិស្បែកខ្មៅម្នាក់ ហើយបានធ្វើឱ្យមានការខឹងសម្បាជាខ្លាំងចំពោះសេចក្តីព្រាងច្បាប់នេះ។
ដែលជាហេតុធ្វើឱ្យការធ្វើបាតុកម្មបានក្លាយជាបាតុកម្មហិង្សា ហើយក្រុមអ្នកតវ៉ាមួយចំនួនបានចាប់ផ្តើមគប់ដុំថ្មទៅលើប៉ូលីស។ ក្រុមប៉ូលីសដែលបានប៉ះទង្គិចគ្នាជាមួយក្រុមបាតុករហិង្សានេះ ក៏បានចោលឧស្ម័នបង្ហូរទឹកភ្នែកដើម្បីបំបែកហ្វូងមនុស្សទាំងអស់នោះផងដែរ។
នៅទីលាន Republique នៃទីក្រុងប៉ារីសបាតុករជិត 5 ម៉ឺននាក់បានប្រមូលផ្ដុំគ្នា កាន់ទង់និងធ្វើសញ្ញាដោយដៃដោយថ្កោលទោសអំពើហិង្សារបស់ប៉ូលិសនិងបានអំពាវនាវឱ្យលោកប្រធានាធិបតីបារាំង អេម៉ានុយអែល ម៉ាក្រុង និង ដារាមីន ចុះចេញពីតំណែង៕