អ៊ីរ៉ង់៖ ប្រធានាធិបតីអ៊ីរ៉ង់បានស្ដីបន្ទោសអ៊ីស្រាអែល ចំពោះការសម្លាប់អ្នកវិទ្យាសាស្ត្រនុយក្លេអ៊ែរកំពូលម្នាក់ កាលពីថ្ងៃសុក្រ ហើយបាននិយាយថា ប្រទេសនេះនឹងមិនបន្ថយល្បឿនកម្មវិធីនុយក្លេអ៊ែររបស់ខ្លួនឡើយ។ លោក Hassan Rouhani ក៏បាននិយាយផងដែរថា ប្រទេសអ៊ីរ៉ង់នឹងសងសឹកចំពោះការសម្លាប់ លោក Mohsen Fakhrizadeh នៅពេលវេលាសមគួរណាមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរដ្ឋមន្ត្រីខុទ្ទកាល័យអ៊ីស្រាអែលបាននិយាយថា គាត់មិនបាននៅពីក្រោយការវាយឆ្មក់ប្រហារដោយខ្មាន់កាំភ្លើង ទៅលើរថយន្តលោក Fakhrizadeh នោះទេ។ កន្លងមក ប្រទេសអ៊ីស្រាអែលបានចោទប្រកាន់រូបវិទូរបស់អ៊ីរ៉ង់ ថាជាចំណុចសំខាន់សម្រាប់កម្មវិធីនុយក្លេអ៊ែរដែលលាក់បាំង។
លោក Fakhrizadeh គឺជាអ្នកវិទ្យាសាស្ត្រនុយក្លេអ៊ែរដ៏ល្បីល្បាញបំផុតរបស់អ៊ីរ៉ង់ ដែលបានដឹកនាំការស្រាវជ្រាវរបស់ក្រសួងការពារជាតិនិងអង្គការនវានុវត្ដន៍។ មរណៈភាពរបស់លោកបានគំរាមកំហែង និងបង្កើនភាពតានតឹង ជុំវិញកម្មវិធីនុយក្លេអ៊ែរអ៊ឺរ៉ង់ជាមួយអាមេរិកនិងសម្ព័ន្ធមិត្តអ៊ីស្រាអែលជិតស្និទ្ធ៕