ថៃ៖ គឺជាពេលវេលាដ៏កក់ក្ដៅ និងមានសុភមង្គលជាទីបំផុត សម្រាប់ តារាស្រី Koi Rachwin ដែលបានសម្រេចចិត្តបញ្ចប់ភាពនៅលីវ ដឹកដៃស្វាមីដ៏ស្រស់សង្ហា លោក Toon Bodyslam ចូលរោងជ័យជាមួយគ្នា កាលពីថ្ងៃទី ២៨ ខែវិច្ឆិកា ម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងនោះផ្ទាល់ ទិដ្ឋភាពនៅក្នុងពិធីមង្គលការរបស់នាង និង ស្វាមី ក៏មានការរៀបចំឡើងយ៉ាងអធិកអធម ខណៈដែលអ្នកទាំងពីរ មានការតុបតែងខ្លួន ក្នុងឈុតកូនក្រមុំ និងកូនកម្លោះយ៉ាងប្រណីត មានភាពសាកសមនឹងគ្នាយ៉ាងខ្លាំង ជាពិសេស ថែមទាំងមានការចូលរួមពីសំណាក់មិត្តៗក្នុងរង្វង់សិល្បៈ ក៏ដូចជា ភ្ញៀវកិត្តិយសជាច្រើនទៀត បានមកអបអឬ និងធ្វើឲ្យបរិយាកាសក្នុងកម្មវិធីទាំងមូល កាន់តែមានភាពអ៊ូអរ ពោរពេញទៅដោយភាពកក់ក្ដៅ។
មិនត្រឹមតែប៉ុណ្ណោះ ក្នុងឱកាសដ៏រីករាយរបស់ គូស្វាមីភរិយាថ្មីពីតារាប្រុសស្រីមួយគូនេះ បណ្ដាទស្សនិកជន និង ហ្វេនៗជាច្រើន ក៏បានចូលរួមសម្ដែងភាពត្រេកអរ ចំពោះអ្នកទាំងពីរ ដែលកំពុងតែបានកសាងជីវិតគ្រួសារ យ៉ាងមានក្ដីសុខ ផងដែរ៕
សូមទស្សនារូបភាពខាងក្រោម៖