សូម៉ាលី៖ យោងតាមការចុះផ្សាយរបស់សារពត៌មាន Aljazeera បានឱ្យដឹងថា កាលពីថ្ងៃសុក្រម្សិលមិញនេះ ករណីបំផ្ទុះគ្រាប់បែកអត្តឃាតនៅក្នុងហាងការ៉េមមួយ ដែលមានឈ្មោះថា Gelato Divino នៅទីតាំងជិតផ្លូវបំបែក K4 ក្បែរអាកាសយានដ្ឋានអន្តរជាតិក្នុងរដ្ឋធានី Mogadishu បានសម្លាប់មនុស្សយ៉ាងហោចណាស់ ៧នាក់ ខណៈជាច្រើននាក់ទៀត ត្រូវរងរបួសធ្ងន់ស្រាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទាក់ទងទៅនឹងមូលហេតុ ដែលបណ្តាលឱ្យហេតុការណ៍នេះកើតឡើង ក៏ដូចជាអ្នកនៅពីក្រោយរឿងនេះ គេនៅមិនទាន់រកឃើញនៅឡើយទេ។ ប៉ុន្តែគេដាក់ការសង្ស័យទៅលើក្រុមប្រដាប់អាវុធ al-Shabab ដែលជាក្រុមភេរវករសម្ព័ន្ធមិត្តជាមួយនឹងក្រុមភេរវករ al-Qaeda ដែលតែងតែធ្វើការបំផ្ទុះគ្រាប់បែកនៅក្នុងរដ្ឋធានី និងកន្លែងផ្សេងៗជាញឹកញាប់។
គួរជម្រាបឱ្យដឹងថា នៅពាក់កណ្តាលខែវិច្ឆិកានេះ ការវាយប្រហារមួយទៀតក៏បានកើតឡើងផងដែរ ដែលបណ្តាលឱ្យមនុស្ស ៥នាក់ស្លាប់បាត់បង់ជីវិត៕