ដឹងទេថា តើគួរផឹកទឹកពេលណា ទើបល្អ និងទទួលបានប្រយោជន៍ច្រើន?

ការរក្សាជាតិទឹកក្នុងខ្លួន គឺជាគន្លឹះដើម្បីទទួលបានរាងកាយដែលមានសុខភាពល្អ។ ទឹកដើរតួនាទីយ៉ាងសំខាន់ក្នុងការធ្វើឱ្យរាងកាយដំណើរការទៅដោយរលូន និងការពារសុខភាពយើងពីជំងឺកាចសាហាវជាច្រើន។ ខាងក្រោមនេះគឺជាពេលវេលាដែលល្អបំផុតដើម្បីញុំាទឹកឲ្យមានប្រយោជន៍៖

១. ពេលភ្ញាក់ពីគេង

ការញុំាទឹកមួយកែវបន្ទាប់ពីភ្ញាក់ពីគេង គឺពិតជាមានសារៈសំខាន់ណាស់។ វាមិនត្រឹមតែធ្វើឱ្យសិរីរាង្គខាងក្នុងនិងប្រព័ន្ធឈាមរបស់អ្នក សកម្មប៉ុណ្ណោះទេ ប៉ុន្តែវាថែមទាំងជួយទៅបំពេញបន្ថែមនូវជាតិទឹកដែលបាត់បង់ក្នុងពេលគេងទៀតផង។

២. ក្រោយហាត់ប្រាណ

បន្ទាប់ពីហាត់ប្រាណរួច អ្នកនឹងមានអារម្មណ៍ថានឿយហត់ និងអស់កម្លាំង។ ការទទួលទានទឹកក្រោយពេលហាត់ប្រាណអាចជួយបង្កើនកម្លាំង និងធ្វើឱ្យប្រព័ន្ធភាពសុំារបស់អ្នកមានថាមពលឡើងវិញ ហើយលើសពីនេះ  វាក៏អាចជួយធ្វើឱ្យចង្វាក់បេះដូងរបស់អ្នកឆាប់ត្រលប់មករកសភាពធម្មតាវិញផងដែរ។

៣. កន្លះម៉ោងមុនទទួលទានអាហារ

ការទទួលទានទឹកមុនញុំាអាហារ មិនត្រឹមតែមានប្រយោជន៍ចំពោះសុខភាពទេ តែវាថែមទាំងអាចជួយក្នុងការសម្រកទម្ងន់បានទៀតផង​ ព្រោះវាអាចធ្វើឲ្យអ្នកមានអារម្មណ៍ថាឆាប់ឆ្អែត នឹងជួយការពារមិនឲ្យមានការញុំាហួសកម្រិត។

៤. មុនពេលងូតទឹក

ញុំាទឹកមួយកែវមុនពេលងូតទឹក អាចជួយបន្ថយសម្ពាធឈាមរបស់អ្នកបាន។ ប្រសិនបើអ្នកញុំាទឹកក្តៅអ៊ុនៗ វានឹងជួយទៅពង្រីកសរសៃឈាមហើយអាចធ្វើឱ្យសម្ពាធឈាមធ្លាក់ចុះ។

៥. មុនពេលចូលគេង

ការទទួលទានទឹកមុនពេលចូលដំណេក ជួយធ្វើឲ្យខ្លួនអ្នកមានជាតិទឹក និងជួយទៅសម្អាតជាតិពុលចេញពីរាងកាយនៅក្នុងកំឡុងពេលដែលអ្នកគេង។

៦. នៅពេលមិនស្រួលខ្លួន

មានអារម្មណ៍ថាមិនស្រួលខ្លួនមែនទេ? ទឹក គឺជាថ្នាំដែលមានប្រសិទ្ធភាពបំផុត។ វាជួយទៅផ្តល់ជាតិទឹកដល់រាងកាយ និងធ្វើឱ្យអ្នកឆាប់ជារសះស្បើយ។

៧. នៅពេលនឿយហត់ អស់កម្លាំង

ប្រសិនបើអ្នកហត់នឿយ និងអស់កម្លាំងដោយសារការងារ ឬការហាត់ប្រាណធ្ងន់ អ្នកត្រូវតែផឹកទឹកឱ្យបានច្រើន ដើម្បីបំពេញបន្ថែមនូវជាតិទឹកដែលបាត់បង់។ ក្រៅពីជួយបំបាត់ភាពហេវហត់អស់កម្លាំង វាក៏អាចជួយឱ្យប្រព័ន្ធរាងកាយរបស់អ្នក ដំណើរការដូចធម្មតាវិញបានផងដែរ៕