អាហ្សង់ទីន៖ អ្នកធ្វើការក្នុងពិធីបុណ្យសពតាមផ្ទះចំនួន ៣នាក់ ត្រូវបានបញ្ឈប់ពីការងារ បន្ទាប់ថតរូបស្វ៊ែលហ្វីជាមួយសាកសពវីរបុរសបាល់ទាត់អាហ្សង់ទីន ឌីយ៉េហ្គោ ម៉ារ៉ាដូណា (Diego Maradona)។ សកម្មភាពរបស់ពួកគេ បានធ្វើឲ្យមហាជនជាច្រើនខឹងសម្បារយ៉ាងខ្លាំង បន្ទាប់ពីរូបភាពបានបង្ហោះចែកចាយពាសពេញបណ្ដាញសង្គម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងចំណោមរូបទាំងនោះ មានរូបថតមួយសន្លឹក ដែលមើលទៅហាក់មិនសមរម្យឡើយ ដោយសារបុរសវ័យកណ្ដាលម្នាក់ ដែលគេស្គាល់ឈ្មោះថា ឌីយ៉េហ្គោ ម៉ូលីណា (Diego Molina) បានយកដៃខាងស្ដាំរបស់គេ ទៅដាក់លើក្បាលសាកសពលោក ម៉ារ៉ាដូណា ខណៈដៃរបស់គេម្ខាងទៀត ធ្វើសញ្ញាមេដៃ។
យ៉ាងណាមិញ ជុំវិញរូបភាពខាងលើ លោក ស៊ីណា ដែលជាម្ចាស់សេវាកម្មបុណ្យសព បានឲ្យដឹងថា លោក ម៉ូលីណា ត្រូវបានសាធារណៈជនគំរាមសម្លាប់ ដោយសារតែទង្វើមិនគួរគប្បីរបស់គេ។ ហើយពេលនេះ បុគ្គលិកទាំង៣នាក់ ក៏ត្រូវបានបញ្ឈប់ពីការងារផងដែរ។
គួររម្លឹកថា អតីតកីឡាករជម្រើសជាតិអាហ្សង់ទីនលោក ម៉ារ៉ាដូណា បានទទួលមរណភាពនៅអាយុ៦០ឆ្នាំ ដោយសារជំងឺគាំងបេះដូង កាលពីថ្ងៃពុធ ទី២៥ ខែវិច្ឆិកា ឆ្នាំ២០២០ កន្លងទៅនេះ។ ពោលគឺខណៈពេលលោកកំពុងសម្រាកព្យាបាលនៅផ្ទះ ក្រោយពីអនុញ្ញាតឱ្យចេញពីមន្ទីរពេទ្យ កាលពីថ្ងៃទី១១ ខែវិច្ឆិកា បន្ទាប់ពីវះកាត់យកកំណកឈាមចេញពីក្បាល៕
សូមទស្សនារូបភាពខាងក្រោម៖