អូម៉ង់៖ អ្នកស្រលាញ់សត្វចិញ្ចឹមម្នាក់ ឈ្មោះ Maryam al-Balushi វ័យ៥១ឆ្នាំ រស់នៅទីក្រុង Muscat ប្រទេសអូម៉ង់ បានចែករំលែកផ្ទះរបស់នាងជាមួយសត្វឆ្មា និងឆ្កែជិត៥០០ក្បាល ដោយចំណាយប្រាក់អស់ជិត ៨ពាន់ដុល្លារអាមេរិកក្នុងមួយខែ សម្រាប់ចំណី និងការចំណាយផ្សេងៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីមានការត្អូញត្អែរពីអ្នកជិតខាង និងកើនឡើងការចំណាយក៏ដោយ ក៏ប៉ុន្តែនាង Balushi ឥឡូវប្រមូលបានឆ្មាចំនួន ៤៨០ ក្បាលនិងឆ្កែ ១២ក្បាល ដោយពណ៌នាពួកវាថា ជាអ្នកជំរុញអារម្មណ៍នាងឱ្យរីករាយ និងប្រសើរជាងមានមិត្តភក្តិជាមនុស្សទៅទៀត។ នាងនិយាយថា«ខ្ញុំយល់ឃើញថា សត្វមានភាពស្មោះត្រង់ជាងមនុស្ស ជាពិសេសឆ្កែនិងឆ្មា»។ នាង Balushi បានចិញ្ចឹមឆ្កែឆ្មាជាងមួយទសវត្សរ៍មកហើយ ដោយសត្វភាគច្រើន គឺនាងសង្គ្រោះតាមផ្លូវ។
នាង Balushi ចំណាយប្រាក់ប្រហែល ៧,៨០០ដុល្លារអាមេរិកក្នុងមួយខែ លើការមើលថែសត្វចិញ្ចឹមរបស់នាង ក្នុងនោះមានឆ្មា ១៧ក្បាលពិការភ្នែក ហើយក្រៅពីការចិញ្ចឹមឱ្យចំណី នាងក៏នាំពួកវាទៅពេទ្យសត្វញឹកញាប់ផងដែរ។
គួរឲ្យដឹងថា បណ្តាញព័ត៌មានក្នុងស្រុករាយការណ៍ថា នៅប្រទេសអូម៉ង់មានការបោះបង់ចោលឆ្មាឆ្កែច្រើនឡើងនៅប៉ុន្មានឆ្នាំមកនេះ ត្បិតត្រូវរងការផាកពិន័យ ២៥ ដុល្លារអាមេរិក សម្រាប់ការបោះបង់ចោលសត្វចិញ្ចឹមមួយក្បាលក៏ដោយ៕
សូមទស្សនារូបភាព និងវីដេអូខាងក្រោម៖
Bong I.T