ទុក្ខធំ! អត្រាអ្នកអត់ការងារធ្វើនៅឥណ្ឌូ​ណេស៊ី ​បន្តកើនឡើងមិនឈប់​​ដោយសារកូវីដ១៩

ចាកាតា៖  រដ្ឋមន្រ្តីក្រសួងហិរញ្ញវត្ថុឥណ្ឌូណេស៊ី លោកស្រី Sri Mulyani Indrawati បាននិយាយថា ចំនួនអ្នកអត់ការងារធ្វើនៅក្នុងប្រទេសបានកើនឡើងដល់ ២.៦៧ លាននាក់ ដោយសារជំងឺរាតត្បាតកូវីដ១៩ ដែលជាការកើនឡើងពី ៧.១ លានទៅ ៩.៧៧ លាននាក់ ស្មើនឹង ៥.២៣ ភាគរយ ដល់ ៧.០៧ ភាគរយ។

កាលពីថ្ងៃទី ២៤ ខែវិច្ឆិការ លោកស្រី​ Indrawati បានមានប្រសាសន៍នៅក្នុងសន្និសីទសារព័ត៌មានថា ក្នុងនោះប្រជាជន ២.៣៦លាននាក់ ត្រូវបានបណ្តេញចេញពីការងារ និង ៣១ម៉ឺននាក់ មិនអាចស្វែងរកការងាបាន។

គួរបញ្ជាក់ផងដែរ លោកស្រី Indrawati បានបន្ថែមថា ដោយសារកត្តាកើនឡើងនៃអត្រាអ្នកអត់ការធ្វើច្រើន នោះវានឹងបង្កផលប៉ះពាល់ដល់ការកាត់បន្ថយអត្រាសុខមាលភាពរបស់ប្រជាជន ប៉ុន្តែជុំវិញបញ្ហានេះរដ្ឋាភិបាលក៏បានជួយជ្រោមជ្រែងជំនះបញ្ហា​ផងដែរ៕