ក្រសួងសុខាភិបាលនៅព្រឹកថ្ងៃ ២៨ វិច្ឆិកានេះ បានប្រកាសពីករណីវិជ្ជមានកូវីដ១៩ មួយករណីទៀតនៅកម្ពុជា ដែលជាករណីទី ៣០៨។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមក្រសួង ករណីតេស្តរកឃើញវិជ្ជមាននេះ គឺស្ត្រីខ្មែរអាមេរិក អាយុ ៦២ឆ្នាំ ដែលមានអាសយដ្ឋាននៅសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ បានតេស្តឃើញវិជ្ជមានក្រោយមកដល់កម្ពុជានាថ្ងៃ ២៦ វិច្ឆិកា។ ស្រ្តីរូបនេះ បានធ្វើដំណើរពីសហរដ្ឋអាមេរិក ហើយបន្តជើងហោះហើរពីកូរ៉េខាងត្បូងជាមួយមនុស្ស ៧៣នាក់ទៀត។ ចំណែកអ្នកផ្សេងទៀត ដែលអវិជ្ជមានត្រូវធ្វើចត្តាឡីស័ក ១៤ថ្ងៃ នៅសណ្ឋាគារផ្សេងៗគ្នា។ រីឯអ្នកជំងឺត្រូវសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។
សូមបញ្ជាក់ថា គិតមកទល់ថ្ងៃ ២៨វិច្ឆិកានេះ កម្ពុជាតេស្តរកឃើញអ្នកជំងឺកូវីដ-១៩ ចំនួន ៣០៨ករណីហើយ។ ក្នុងនោះសះស្បើយ ២៩៩ករណី ហើយអ្នកជំងឺ ៦នាក់បន្តព្យាបាលនៅពេទ្យមិត្តភាពខ្មែរ-សូវៀត និង ៣នាក់ទៀត សម្រាកព្យាបាលនៅមណ្ឌលសុខភាពចាក់អង្រែ៕