ដើម្បីសុវត្ថិភាពប្រជាជនខ្លួន ប្រទេសថៃបានចុះកិច្ចព្រមព្រៀងទិញវ៉ាក់សាំងកូវីដ១៩ ចំនួន ២៦លានដូស

បាងកក៖ កាលពីថ្ងៃទី ២៧ ខែវិច្ឆិកា ប្រទេសថៃបានធ្វើការចុះហត្ថលេខាលើកិច្ចព្រមព្រៀងមួយ ដើម្បីទិញវ៉ាក់សាំងការពារជំងឺឆ្លងកូវីដ១៩ ចំនួន ២៦លានដូស ដែលបង្កើតឡើងដោយក្រុមហ៊ុនឱសថអង់គ្លេស AstraZeneca សហការជាមួយសាកលវិទ្យាល័យ Oxford ។ គេរំពឹងថា វ៉ាក់សាំងការពារ​ជំងឺឆ្លងនេះ នឹងមកដល់ប្រទេសថៃនៅពាក់កណ្តាលឆ្នាំ ២០២១ ដែលអាចជួយដល់ប្រជាជនប្រមាណ ១៣លាននាក់ ​នៅក្នុងប្រទេសដែលមានប្រជាជនសរុប​ ៦៩លាននាក់។

យ៉ាងណាមិញយើងឃើញថា នាយកដ្ឋានគ្រប់គ្រងជំងឺរបស់ក្រសួងសុខាភិបាលរបស់ប្រទេសថៃបានចំណាយ​​ទឹកប្រាក់សរុប ២០០លានដុល្លារ ទៅលើការជួយផ្តល់បេក្ខជនធ្វើតេស្ត និងកិច្ចព្រមព្រៀងទិញវ៉ាក់សាំង AZD1222 ដោយឃើញពីប្រសិទ្ធភាពរបស់​វា មាន​ចាប់ពី ៧០ ដល់ ៩០%។

គួរបញ្ចាក់ផងដែរថា ប្រទេសថៃមានចំនួនអ្នកឆ្លងជំងឺកូវីដ១៩ សរុប ៣៩៦១នាក់ចាប់តាំងពីខែមករា និងចំនួននាក់ស្លាប់ ៦០នាក់៕