បរទេស៖ បើយោងតាមគេហទំព័រ Calciomercato របស់អ៊ីតាលីបានឲ្យដឹងថាក្លិបសេះបង្កង់ Juventus កំពុងមានគម្រោងដាក់សំណើក្នុងចំនួនទឹកប្រាក់៤០លានផោនតាមទិញយកខ្សែបម្រើមិនសូវបានចូលលេង Donny van de Beek ពីក្លិបបិសាចក្រហម Manchester United នៅខែមករាខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមែនទែនទៅក្រោយផ្លាស់ចេញពីក្លិប Ajax របស់ហូឡង់មករួមជាមួយ Man UTD ក្នុងរយៈពេល៣ខែនេះ De Beek បង្ហាញខ្លួនសរុបឲ្យលោកគ្រូបង្វឹក Ole Gunnar Solskjaer បានតែ១២ប្រកួតប៉ុណ្ណោះ ដោយក្នុងនោះរូបគេបង្ហាញខ្លួនជាជម្រើសទី១បានតែ៥ប្រកួតប៉ុណ្ណោះ និងមិនទាន់បានចូលលេងជាជម្រើសទី១នៅ Premier League នៅឡើយទេ។
ជាក់ស្តែងមូលហេតុដែលកីឡាករវ័យ២៣ឆ្នាំរូបនេះមិនសូវបានចូលលេងជាជម្រើស១១នាក់ដំបូងបានញឹកញាប់នោះ ដោយសារតែ Man UTD នៅពេលនេះសម្បូរទៅដោយខ្សែបម្រើល្អៗគរជើងគ្នាជាច្រើនដូចជា Bruno Fernandes, Paul Pogba, Fred, Nemanja Matić ក៏ដូចជា Scott McTominay ជាដើម៕
ប្រភព៖ caughtoffside