បារាំង៖ យោងតាមសារព័ត៌មាន ABC News បានឱ្យដឹងថា បុរសជនជាតិស្បែកខ្មៅម្នាក់ បានចេញមុខទាមទាររកយុត្តិធម៌ បន្ទាប់ពីបែកធ្លាយវីដេអូបង្ហាញពីសកម្មភាពហឹង្សារបស់មន្រ្តីប៉ូលីសទៅលើខ្លួនដោយគ្មានមូលហេតុ កាលពីថ្ងៃសៅរ៍កន្លងទៅនៅប្លុកទី១៧ នៃរដ្ឋធានីក្នុងប្រទេសបារាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវីដេអូបានបង្ហាញពីមន្រ្តីប៉ូលីសបីនាក់ ដែលបានដើរតាមលោក Michel Zecler ចូលទៅក្នុងស្ទូឌីយោតន្រ្តីរបស់លោក ហើយក៏ចាប់ផ្តើមប្រើហឹង្សាទៅលើរូបលោកភ្លាមៗដោយប្រើដំបងប៉ូលិស និងឧស្ម័នបង្ហូរទឹកភ្នែកមកលើរូបលោកដោយគ្មានមូលហេតុ ដែលបង្កឱ្យលោក និងមនុស្ស ៩នាក់ ផ្សេងទៀត ដែលកំពុងថតចំរៀង ត្រូវរងរបួស។
រដ្ឋមន្រ្តីក្រសួងមហាផ្ទៃបារាំងលោក Gerald Darmanin បានបញ្ជាឱ្យមន្រ្តីប៉ូលិសដែលពាក់ព័ន្ធនៅក្នុងករណីនេះផ្អាកពីការងារ ហើយអធិការដ្ឋាននៃអគ្គស្នងការដ្ឋាននគរបាលជាតិ ក៏កំពុងពិនិត្យមើលទៅលើករណីមួយនេះ និងបើកការស៊ើបអង្កេតទៅលើការចោទប្រកាន់ពីជនរងគ្រោះផងដែរ។
លោក Michel Zecler ដែលជាជនរងគ្រោះបានគូសបញ្ជាក់ដូច្នេះថា៖
គួរបញ្ជាក់ថា ឧបទ្ទវហេតុនេះបានកើតឡើង ខណៈដែលរដ្ឋាភិបាលរបស់លោកប្រធានាធិបតី Emmanuel Macron កំពុងជំរុញសេចក្តីព្រាងច្បាប់ថ្មី ដើម្បីរឹតត្បិតមិនឱ្យមានការថតសកម្មភាពនានារបស់ប៉ូលិស ហើយក្នុងនោះក៏បណ្តាលឱ្យមានការតវ៉ាប្រឆាំងពីក្រុមសេរីស៊ីវិល និងអ្នកសារព័ត៌មានមួយចំនួន ដោយពួកគេព្រួយបារម្ភថា ច្បាប់ថ្មីនេះនឹងជំរុញឱ្យមានការប្រើសកម្មភាពឃោរឃៅជាអនាធិបតេយ្យ ពីសំណាក់មន្រ្តីប៉ូលិសទៅលើប្រជាជនកាន់តែខ្លាំងឡើង៕