វ៉ាស៊ីនតោន៖ ប្រធានាធិបតីអាមេរិក លោក Donald Trump បាននិយាយថា លោកនឹងចាកចេញពីសេតវិមាន ប្រសិនបើគូប្រជែងរបស់លោក គឺលោក Joe Biden ឈ្នះការបោះឆ្នោតដែលជ្រើសតាំងដោយ អង្គបោះឆ្នោត (Electoral college vote) នៅថ្ងៃទី ១៤ ខែធ្នូ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីថ្ងៃទី ២៦ ខែវិច្ឆិកា លោកប្រធានាធិបតី Donald Trump បានឆ្លើយតបថា លោកនឹងចាកចេញពីសេតវិមានដោយខ្លួនគាត់ ប្រសិនបើការប្រកាសនៅថ្ងៃទី ១៤ ខែធ្នូ ថាលោក Joe Biden ឈ្នះការបោះឆ្នោតដែលជ្រើសតាំងដោយអង្គបោះឆ្នោត។ ប៉ុន្តែគាត់ក៏បានបន្ថែមដែរថា វាគឺជារឿងពិបាកបើចង់ឱ្យគាត់ចុះចាញ់ ហើយប្រសិនបើអង្គបោះឆ្នោតជ្រើសរើសលោក Biden នោះគឺជាកំហុសធំមួយ។
គួរបញ្ជាក់ថា យោងតាមលទ្ធផលនៃការព្យាករណ៍ ដែលបានចេញផ្សាយកាលពីសប្តាហ៍កន្លងទៅ បន្ទាប់ពីការប្រកាសលទ្ធផលចំនួនសំឡេងឆ្នោត បានបង្ហាញឱ្យឃើញថា លោក Biden ទទួលបានសំឡេងឆ្នោតចំនួន ៣០៦ ចំណែកលោក Trump ទទួលបានសំឡេងឆ្នោតចំនួន ២៣២៕