ម៉េចចឹង? ប្រធានាធិបតីប្រេស៊ីល បដិសេធមិន​ចាក់វ៉ាក់សាំងកូវីដ​១៩

ប្រាស៊ីលីយ៉ា៖ ប្រធានាធិបតីប្រេស៊ីល លោក Jair Bolsonaro បាននិយាយកាលពីល្ងាចថ្ងៃព្រហស្បតិ៍សប្តាហ៍នេះថា លោកនឹងមិនចាក់វ៉ាក់សាំងកូវីដ១៩​ទេ ដែលការលើកឡើងនេះ ហាក់បង្ហាញពីមន្ទិលសង្ស័យរបស់លោក ចំពោះកម្មវិធីចាក់វ៉ាក់សាំងកូវីដ១៩ក្នុងប្រទេសប្រេស៊ីល។

បច្ចុប្បន្ន ប្រេស៊ីល​គឺជាប្រទេសដែលមានអ្នកស្លាប់ដោយជំងឺកូវីដ១៩ច្រើនជាងគេលំដាប់ទី២ នៅលើពីភពលោក ដោយសារការមើលស្រាលរបស់លោក Bolsonaro ​ទៅនឹងការឆ្លងរាតត្បាតនៃជំងឺកូវីដ១៩។ ហើយប្រធានាធិបតីប្រេស៊ីលរូបនេះ បាន​គូសបញ្ជាក់ដូច្នេះថា៖

គួរឱ្យដឹងដែរថា ប្រធានាធិបតីប្រេស៊ីល លោក Bolsonaro ​ធ្លាប់​បានលើកឡើងម្តងហើយម្តងទៀត ថាប្រជាជនប្រេស៊ីលនឹងមិនចាំបាច់ ត្រូវតែទៅទទួលការចាក់វ៉ាក់សាំងកូវីដ១៩ នៅពេលដែល​វាត្រូវបានដាក់ឱ្យប្រើប្រាស់ជាសាធារណៈនោះទេ។ បន្ថែមពីនេះ គឺកាលពីខែតុលាកន្លងទៅ លោកក៏ធ្លាប់បានសរសេរលេងសើចនៅលើបណ្តាញសង្គម Twitter ថាការចាក់វ៉ាក់សាំងនឹងតម្រូវសម្រាប់តែ​សុនកចិញ្ចឹមរបស់លោកតែប៉ុណ្ណោះ៕