ជប៉ុន៖ ពេលខ្លះការសុំឱ្យអ្នកណាម្នាក់ពាក់ម៉ាស់គឺមិនមែនងាយស្រួលនោះទេ ព្រោះគេអាចនឹងមានប្រតិកម្មមិនចូលចិត្ត ដូច្នេះហាងមួយនៅប្រទេសជប៉ុនបានយកមនុស្សយន្តមកដាក់ហាងរបស់ខ្លួន ដើម្បីធានាថាអតិថិជនរបស់ពួកគេពាក់ម៉ាស់ក្នុងកំឡុងពេល Covid-19 កំពុងរាតត្បាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងវីដេអូបង្ហាញដោយអ្នកបង្កើតមនុស្សយន្តនេះ វាបាននិយាយថា៖ «ខ្ញុំសុំទោសដែលរំខានអ្នក ប៉ុន្តែសូមពាក់ម៉ាស់ផង»។ វាក៏និយាយថា៖ «អរគុណសម្រាប់ការយោគយល់» នៅពេលអតិថិជនធ្វើតាម ដោយឱនក្បាលគោរពទៅអតិថិជនទាំងនោះ។
មនុស្សយន្តដែលមានរហស្សនាមថា “Robovie” ត្រូវបានគេដាក់នៅហាងកីឡាមួយក្នុងទីក្រុងអូសាកា ក្នុងការពិសោធន៍មួយដោយវិទ្យាស្ថានស្រាវជ្រាវ ATR ដែលមានមូលដ្ឋាននៅក្យូតូ ដែលជាកន្លែងបង្កើតមនុស្សយន្តនេះ។
កាមេរ៉ានិងស្កេនឡាស៊ែររបស់វាអាចរកឃើញមនុស្សដែលមិនពាក់ម៉ាស ឬឈរជិតគ្នាក្នុងពេលតម្រង់ជួរ។ ក្នុងករណីនេះវាស្នើសុំឱ្យពួកគេឈរដោយឃ្លាតពីគ្នា។ ក្រៅពីប្រាប់ឱ្យអតិថិជនរក្សាគម្លាតពីគ្នាហើយ Robovie ក៏អាចនាំអតិថិជនទៅរកទំនិញដែលពួកគេចង់រកនៅក្នុងហាងផងដែរ។
ប្រទេសជប៉ុនមានការឆ្លងរីករាលដាលវីរុសកូរ៉ូណាតិចតួចប៉ុណ្ណោះ បើទោះបីជាមានករណីកើនឆ្លងឡើងដល់ 2,201 ដែលត្រូវបានកត់ត្រាទូទាំងប្រទេសកាលពីថ្ងៃពុធ៕
អាចចូលទៅមើលវីដេអូតាម link ខាងក្រោមនេះបាន៖