កាលីហ្វ័រញ៉ា៖ បុគ្គលិកចំនួន ៣២,០០០នាក់ គ្រោងនឹងត្រួវបានបញ្ឈប់ពីការងារ នៅចុងខែមីនាឆ្នាំ ២០២១ បើជំងឺកូវីដ១៩ នៅតែបន្តធ្វើការខូចខាតដល់ការរកចំណួលដល់ឧទ្យាន និងកន្លែងកម្សាន្តរបស់ Disney ។ យោងតាមសេចក្តីប្រកាស ផែនការបញ្ឈប់នេះ ត្រូវបានបញ្ចូនឯកសារទៅកាន់គណៈកម្មការទីផ្សារមូលប័ត្រអាមេរិក កាលពីថ្ងៃទី ២៥ ខែវិច្ឆិកា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុន Disney ក៏ធ្លាប់បានព្រមានផងដែរថា ខ្លួនអាចនឹងត្រូវបង្ខំឱ្យបញ្ឈប់ការផ្តល់ភាគលាភនាពេលអនាគត កាត់បន្ថយឬមិនផ្តល់ប្រាក់ចូលនិវត្តន៍ ក៏ដូចជាប្រាក់ចូលនិវត្តន៍ផ្នែកវេជ្ជសាស្ត្រដល់បុគ្គលិកផងដែរ។ បន្ថែមពីនេះ ក្រុមហ៊ុនក៏អាចនឹងកាត់បន្ថយការវិនិយោគលើ ផលិតផលភាពយន្ត និងបង្កើនការបញ្ឈប់ការងារ ឬបញ្ឈប់បុគ្គលិកចាស់ៗបន្ថែមទៀត។
គួរបញ្ចាក់ផងដែរថា ក្រុមហ៊ុន Disney បានខាតបង់ប្រាក់ចំនួន ២,៥ ពាន់លានដុល្លារគិតត្រឹមខែតុលា ២០១៩ ដល់ខែកញ្ញា ២០២០ ផ្ទុយស្រឡះទៅនឹងឆ្នាំ ២០១៨ ដែលរកចំណូលបានរហូតដល់ទៅ ១០,៤ ពាន់លានដុល្លារ៕