ភ្នំពេញ៖ ផ្សារឃ្លាំងរំសែវថ្មីសែនសុខ បានសម្ភោធជាផ្លូវការហើយកាលពីព្រឹកថ្ងៃទី២៧ ខែ វិច្ឆិកា ឆ្នាំ២០២០ ក្រោមអធិបធីភាពលោកជំទាវ ហ៊ុន សេងនី លោកជំទាវ កែវ សុខពិសី អភិបាលរងតំណាងដ៏ខ្ពង់ខ្ពស់ ឯកឧត្តមអភិបាលរាជធានីភ្នំពេញ និងតំណាង លោក ម៉ូវ ម៉ានិត អភិបាលខណ្ឌសែនសុខ ព្រមទាំងឯកឧត្តមលោកជំទាវ អ្នកមុខអ្នកការជាច្រើននាក់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកជំទាវ កែវ សុខពិសី អភិបាលរង នៃគណៈអភិបាលរាជធានីភ្នំពេញ មានប្រសាសន៏ថា៖
តាងនាម នាងខ្ញុំជាអាជ្ញាធរដែនដី តំណាងឲ្យឯកឧត្តមអភិបាលរាជធានីភ្នំពេញ ខ្ញុំពិតជាមានសេចក្តីរីករាយខ្លាំងណាស់ដោយឃើញវិស័យឯកជនចូលរួមចំនែកអភិវឌ្ឍន៍រាជធានីភ្នំពេញយ៉ាងឆាប់រហ័សនារយៈពេលប៉ុន្មានឆ្នាំចុងក្រោយនេះ។ ដោយសារសុខសន្តិភាព កំណើនសេដ្ឋកិច្ចថេរក្នុងរយៈពេលប៉ុន្មានទស្សវត្សមកនេះ បើទោះជាឆ្នាំ២០២០ ជួបវិបត្តិសកលរីករាលដាលជម្ងឺកូវិដក៏ដោយ ក៏កម្ពុជាយើងទទួលបានជោគជ័យក្នុងការទប់ស្កាត់ជម្ងឺដ៏កាចសាហាវនេះផងដែរ ក្រោមការដឹកនាំដ៏ឆ្លៀសវៃរវស់ប្រមុខរាជរដ្ឋាភិបាលយើង ជាពិសេស សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តីនៃប្រទេសកម្ពុជា ។ នៅក្នុងរាជធានីភ្នំពេញ នាងខ្ញុំសង្កេតឃើញថា ខណ្ឌសែនសុខ ជាតំបបន់អភិវឌ្ឍន៍ថ្មីមួយដែលឈានពីតំបន់លំនៅដ្ឋានមកជាតំបន់ពាណិជ្ជកម្មយ៉ាងឆាប់រហ័ស បណ្តុំទៅដោយពាណិជ្ជកម្មចំរុះ និងច្រើនកុះករ។
សូមបញ្ជាក់ផងដែរថា ផ្សារឃ្លាំងរំសែវថ្មីមានទីតាំងចំកណ្តាលតំបន់ពាណិជ្ជកម្មស្ថិតនៅក្បែរផ្សារទំនើប Aeon IIទល់មុខផ្សារ Global house បានប្រើរយៈពេលសាងសង៩ខែគិតចាប់ពីថ្ងៃបុកគ្រឹះ ដែលចំណាយដើមទន់ប្រមាណជាង៣លានដុល្លាអាមេរិកលើផ្ទៃដី២,៧ហិចតាមានទីតាំងសំខាន់ៗ៤គឺ ចំណតរថយន្តធំទូលាយ ផ្សារបន្លែត្រីសាច់ធម្មជាតិ ផ្ទះអាជីវកម្ម(Shop house) និងជាផ្សារប្រមូលផ្តុំទៅដោយហាងលក់ទូរសព្ទ័ គ្រឿងបន្លាស់ទូរស័ព្ទ Accessories សំលៀកបំពាក់ ហាងការហ្វេនិងអាហារដ្ឋាន។
លោកឧកញ៉ា ភេ ពិសិដ្ឋ អគ្គនាយក ក្រុមហ៊ុនបានលើកឡើងថាមូលហេតុដែលលោកឧកញ៉ាសាងសងផ្សារឃ្លាំងរំសែវថ្មីសែនសុខនេះឡើងដោយសារលោកមើលឃើញតម្រូវការជាក់ស្តែងរបស់អតិថិជន ហើយអ្វីដែលពិសេសនោះគឺកត្តាសុខសន្តិភាព សេដ្ឋកិច្ចរីកចំរើន ក្រោមការដឹកនាំ ដ៏ឆ្លៀសវៃរបស់ប្រមុខរាជរដ្ឋាភិបាលកម្ពុជា៕
Bong I.T