សេអ៊ូល៖ រដ្ឋមន្ត្រីការបរទេសនៃប្រទេសកូរ៉េខាងត្បូងនិងចិន បានសន្យានឹងបន្តកិច្ចសហប្រតិបត្តិការលើបញ្ហាសំខាន់ៗដូចជា បញ្ហាកូរ៉េខាងជើង និងជំងឺ កូវីដ១៩ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរដ្ឋមន្ត្រីការបរទេសកូរ៉េខាងត្បូង លោកស្រី Kang Kyung-wha បានជួបពិភាក្សាជាមួយសមភាគីចិន គឺលោក Wang Yi នៅទីក្រុងសេអ៊ូល ដោយពិភាក្សាអំពីការលើកកម្ពស់ទំនាក់ទំនងទ្វេភាគី ក៏ដូចជាបញ្ហាក្នុងតំបន់ និងពិភពលោកសំខាន់ៗផងដែរ។
រដ្ឋមន្រ្តីក្រសួងការបរទេសលោក Wang Yi បានមានប្រសាសន៍ទៅកាន់សមភាគី លោកស្រី Kyung-wha ដូច្នេះថា
វិបត្តិកូវីត១៩ មិនអាចធ្វើឱ្យប្រជាជននៃប្រទេសយើងទាំងពីរធ្លាក់ចុះឡើយ។ ផ្ទុយទៅវិញវាបានធ្វើឱ្យទំនាក់ទំនងទ្វេភាគីមានភាពរឹងមាំនិង សាម្គីភាពគ្នាបន្ថែមទៀត។
ចំណែក លោកស្រី Kyung-wha ក៏បានមានប្រសាសន៍ដែរថា៖
ខ្ញុំនឹងទន្ទឹងរង់ចាំការពិភាក្សាវែកញែកអំពីមធ្យោបាយនានា ដើម្បីធ្វើឱ្យមានស្ថិរភាពចំពោះបញ្ហាឧបទ្វីបកូរ៉េ និង ជួយសម្រួលដល់កិច្ចខិតខំប្រឹងប្រែង កសាងសន្តិភាពរយៈពេលវែងរបស់យើង។
គួរបញ្ចាក់ថា ប្រទេសកូរ៉េខាងត្បូងនិងចិន បានទទួលរងផលប៉ះពាល់ពីជំងឺកូវីដ១៩យ៉ាងធ្ងន់ធ្ងរ ប៉ុន្តែត្រូវបានគ្រប់គ្រងស្ថានកាលនេះបានទាន់ពេលវេលា៕
Bong I.T