ស្អាតទៀតហើយ! មកលើកនេះ រឿន ណាត តែងខ្លួនឡើងកប់ មិនឲ្យចាញ់អ្នកណាសោះ

ភ្នំពេញ៖ កាលពីយប់នេះ តារាសម្ដែង និងជាអតីត Miss Univers​ Cambodia 2018 កញ្ញា រឿន ណាត ទើបតែបានបង្ហាញវត្តមាន ចូលរួមធ្វើជាគណៈកម្មាការកិត្តិយស ក្នុងវិធី Miss Univers Cambodia 2020 វគ្គផ្ដាច់ព្រ័ត្រដែលបានរៀបចំធ្វើឡើងយ៉ាងអធិកអធម និងមានអ្នកតាមដានរាប់ពាន់នាក់ផងដែរ។

លើសពីនេះ បើងាកមកចាប់អារម្មណ៍លើការតែងខ្លួនរបស់ រឿន ណាត កាលពីយប់មិញវិញ យើងឃើញថា ការបង្ហាញវត្តមានលើកនេះ នាងត្រូវបានមហាជនក៏ដូចជាអ្នកគាំទ្រមានការចាប់អារម្មណ៍លើសម្រស់របស់នាងច្រើនខ្លាំងមែនទែន។

ដោយក្នុងនោះ រឿន ណាត បានបង្អួតសម្រស់ជាមួយរ៉ូបពណ៌ក្រហមឆ្អិនឆ្អៅវែងអូសដី មានម៉ូតចំហរល្វែងលើបញ្ចេញសាច់ដើមទ្រូងយ៉ាងទ្រលុកទ្រលន់ ដើរបង្ហាញរាងញញឹមញញែមយ៉ាងជឿជាក់ មើលទៅតារាស្រីរូបនេះ ពិតជាស៊ិចស៊ីស្រស់ស្អាត និងទាក់ទាញខ្លាំងមិនធម្មតានោះឡើយ។

យ៉ាងណាមិញ តាមរយៈរូបភាពអស់ទាំងនោះ ដែលត្រូវបានបង្ហោះលើបណ្ដាញសង្គម យើងឃើញមានអ្នកនិយមលេងបណ្ដាញអុីនធើណែតជាច្រើន បាននាំគ្នាចែករំលែកបន្ត ជាមួយពាក្យពោលសរសើរល្អៗពីនាង ជាហូរហែផងដែរ៕

ទស្សនារូបភាពខាងក្រោម៖