ក្លិប Juventus កំពុងតែមានចិត្តចង់ចែចង់យកកីឡាករ Donny van de Beek ពីក្លិបបិសាចក្រហម Manchester United ក្នុងលក្ខខណ្ឌខ្ចីជើងដែលមានជម្រើសក្នុងការទិញផ្ដាច់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា ចាប់តាំងពីកីឡាករសញ្ជាតិហូឡង់នេះផ្លាស់ពីក្រុម Ajax មកកាន់ទឹកដីប្រទេសអង់គ្លេសកាលពីទីផ្សារដោះដូររដូវកាលហើយរួចមក រូបគេហាក់ដូចជាពុំសូវមានវត្តមានជាជម្រើស ១១ នាក់ដំបូងរបស់ក្រុមបិសាចក្រហម Manchester United ឡើយ។
យោងតាមសារព័ត៌មាន CalcioMercato បាននិយាយថាមានពាក្យចចាមអារ៉ាមមួយចំនួនបាននិយាយថាកីឡាករ Donny van de Beek ទំនងជាចាកចេញពីទឹកដី Old Trafford នាឆ្នាំក្រោយនេះហើយ។ Juventus ក៏៏អាចចង់បានរូបគេមករួបរួមក្រុមជាមួយនឹងកីឡាករ Matthijs de Ligt ផងដែរ។
ក្រុម Juventus មានបំណងចង់ខ្ចីជើងកីឡាកររូបនេះដែលមានជម្រើសក្នុងការទិញផ្តាច់ក្នុងតម្លៃ ៣៥ លានអឺរ៉ូផងដែរ ដែលស្មើនឹង ៣១ លានផោនឬ ៤២ លានដុល្លារសហរដ្ឋអាមេរិក៕