មិត្តអ្នកអានក្នុងស្រទាប់យុវវ័យប្រាកដជាស្គាល់លោក វណ្ណដា រួចមកហើយតាមរយៈបទចម្រៀងរ៉េប និងមនោសញ្ចេតនាជាច្រើនបទដែលលោកបានច្រៀងកន្លងមក។ ជាក់ស្តែងក្នុងពេលថ្ងៃនេះ លោកបានផុសវីដេអូមួយនៅក្នុងគណនីបណ្តាញសង្គមផ្ទាល់ខ្លួនដោយរៀបរាប់នូវរឿងរ៉ាវផ្ទាល់ខ្លួនជាច្រើនដែលលោកបានឆ្លងកាត់ជាមួយក្រុមហ៊ុន Smart ដែលជាក្រុមហ៊ុនសេវាទូរសព្ទដ៏ធំមួយប្រចាំប្រទេសកម្ពុជា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមការពិតលោកបានផ្តាច់កុងត្រាឯកជនជាមួយ Smart ដោយលោកមានបញ្ហាជាច្រើនជាមួយគ្នា ប៉ុន្តែក្នុងដំណាក់កាលដំបូងក៏មានផលិតកម្ម បារមី ដែលលោកកំពុងជ្រោកកោនជួយសម្របសម្រួល និងជជែកពីរឿងសព្វគ្រប់បែបយ៉ាងជាមួយក្រុមហ៊ុន Smart។ មុនពេលដែលសម្រេចចិត្តដើរដល់ផ្លូវមួយក្នុងដំណាក់កាលទីពីរនេះ ក៏ដោយសារតែក្នុងអំឡុងពេលមួយឆ្នាំពោលគិតពីខែមិនា ឆ្នាំ២០១៩ ដល់ខែមិនា ឆ្នាំ២០២០ លោកមិនទទួលបានអ្វីសោះពីក្រុមហ៊ុនទាំងប្រាក់ចំណូលប្រចាំខែ ហើយក្រុមហ៊ុនមួយនេះក៏លែងខ្វាយខ្វល់ពីលោកថែមទៀតផង។
ដូច្នេះវាមិនមែនជារឿងងាយទេ ដែលម្ចាស់បទម្តាយ រូបនេះជួបការលំបាក ហើយក៏ដោយសារតែលោកត្រូវការថវិកាសម្រាប់ចំណាយជាច្រើនក្នុងជីវភាពប្រចាំថ្ងៃថែមទៀតផង។មួយវិញទៀត លោកបានបញ្ជាក់ថា ក្រុមហ៊ុន Smart បានប្តឹងផ្តល់ និងមានដីកាកោះហៅលោក វណ្ណដា ឲ្យឡើងសវនាការដោយមិនមានសិទ្ធក្នុងការចុះកុងត្រាជាមួយក្រុមហ៊ុនផ្សេងៗ ទាំងដែលកុងត្រាមួយនោះបានបញ្ចប់តាំងពីខែមិនាមកម្ល៉េះ។
ជាចុងបញ្ចប់នៅក្នុងវីដេអូនេះលោកពិតជាមានអារម្មណ៍ថាអន់ចិត្ត ដែលបានជួបបញ្ហាមួយនេះ ហើយលោកក៏បានអំពាវនាវឲ្យតុលាការជួយរកយុត្តិធម៍ និងដោះស្រាយសម្រាប់រូបលោកដែលជាតារាចម្រៀងមួយដួងក្នុងប្រទេសកម្ពុជាថែមទៀតផង៕
សូមទស្សនារូបភាពរបស់លោក វណ្ណដា នៅខាងក្រោមនេះ៖