ជ្រមុជទឹកមួយសន្ទុះទើបដឹងថា មានក្រពើយក្សមួយក្បាលក្បែរខ្លួន (មានវីដេអូ)

អូស្រ្តាលី៖​ ថ្មីៗនេះ មានបុរសម្នាក់បានជួបជាមួយនឹង បទពិសោធន៍ដ៏លស់ព្រលឹងមួយដោយ បានជ្រមុជកៀកនឹង ក្រពើទឹកប្រៃមួយក្បាល អស់រយៈពេលប្រហែល២០នាទី ទើបឃើញថាខ្លួននៅក្បែរនិង សត្វសាហាវមួយនេះប៉ុន្តែ វាមិនបានបង្កឬ គម្រាមកំហែងអ្វីនោះឡើយ។

ដោយឡែក បើតាមការលើកឡើងរបស់បុរសម្នាក់ដែលមានឈ្មោះថា Burnham បាននិយាយថា រូបលោកនិង មិត្តភក្តិរបស់លោកបានហែលជ្រមុជទឹកនៅក្នុងមហាសមុទ្រមួយនៅក្នុងប្រទេសអូស្រ្តាលី ដោយមិនបានចាប់អារម្មណ៍ថាមានក្រពើកំពុងតែហែលខ្វៃៗនៅក្បែរនោះឡើយ ប៉ុន្តែមួយសន្ទុះក្រោយមកមិត្តភក្តិរបស់លោក បានស្រែកប្រាប់ ទើបលោកភ្ញាក់ព្រើត ប៉ុន្តែចុងក្រោយដោយមើលទៅក្រពើមិនទំនងជាវាយប្រហារខ្លួន លោកក៏បានសម្រេចចិត្តហែលបន្តនៅក្នុងទឹកក្បែរនោះបន្តទៀត រួចហើយក៏ថតយកវីដេអូនោះមកបង្ហោះក្នុងបណ្តាញសង្គមអមជាមួយនឹង ពាក្យប៉ុន្មានឃ្លាថា៖

ក្រោយពីដឹងថា ក្រពើហែលក្បែរខ្លួនមួយសន្ទុះដោយមិនបង្កគ្រោះថ្នាក់ បុរសជាមិត្តភក្តិទាំងពីរក៏សម្រេចចិត្ត បន្តមើលមច្ចុរាជទឹកប្រៃនេះប្រហែលជា៦នាទីលេង ទៀត ធ្វើឲ្យអ្នកប្រើប្រាស់បណ្តាញសង្គមស្ទើរតែគាំងបេះដូងជំនួស។

គួររម្លឹកដែរ ថានៅក្នុងប្រទេសអូស្រ្តាលី របាយការណ៍នៃមនុស្សត្រូវបានរងគ្រោះដោយសារតែក្រពើទឹកប្រៃគឺមានជារៀងរាល់ឆ្នាំតែម្តង ដោយសារវាមានទំហំធំងាយនឹង វាយប្រហារមនុស្សណាស់៕

សូមទស្សនារូបភាពនិង វីដេអូខាងក្រោម៖