អតីតនាយករដ្ឋមន្ត្រីស៊ូដង់​ ទទួលមរណភាពដោយសារឆ្លង​ជំងឺកូវីដ១៩​

ខាទូម៖ យោងតាមសារព័ត៌មានរ៉យទ័រ បានឱ្យដឹងថា មេដឹកនាំនយោបាយស៊ូដង់ និងជាអតីតនាយករដ្ឋមន្ត្រីស៊ូដង់លោក អាល់ម៉ាឌី បានទទួលមរណភាពនៅថ្ងៃព្រហស្បតិ៍ ក្នុងជន្មាយុ ៨៤ឆ្នាំ បន្ទាប់ពីបានចូលសម្រាកព្យាបាលនៅមន្ទីរពេទ្យមួយក្នុងប្រទេសអារ៉ាប់រួម អស់រយៈពេលជាងបីសប្តាហ៍​ ដោយសារតែឆ្លង​ជំងឺកូវីដ១៩។

គួរបញ្ជាក់​ថា លោក អាល់ម៉ាឌី បានក្លាយជានាយករដ្ឋមន្រ្តីជាប់ឆ្នោតតាមបែបប្រជាធិបតេយ្យចុងក្រោយបង្អស់របស់ប្រទេសស៊ូដង់ ហើយលោកត្រូវបានគេផ្ដួលរំលំនៅឆ្នាំ ១៩៨៩ ក្នុងរដ្ឋប្រហារយោធាដែលដឹកនាំដោយអតីតប្រធានាធិបតីលោក អូម៉ា អាល់បាសៀរ ដែលឡើងកាន់អំណាចបន្ទាប់។ ​សពរបស់លោក អាល់ម៉ាឌី ​នឹងត្រូវគេបញ្ចុះ​នាព្រឹកថ្ងៃសុក្រស្អែកនេះ នៅទីក្រុង ​Omdurman ប្រទេសស៊ូដង់៕