យេរូសាឡឹម៖ កងកម្លាំងការពារអ៊ីស្រាអែលថ្មីៗនេះ ត្រូវបានធ្វើការណែនាំគ្រប់ជ្រុងជ្រោយទាំងអស់ ដើម្បីត្រៀមខ្លួនទៅនឹងបាតុភូត ដែលអាមេរិកអាចវាយប្រហារទៅលើអ៊ីរ៉ង់ មុនពេលប្រធានាធិបតី ដូណាល់ ត្រាំ បញ្ចប់អាណត្តិថ្ងៃទី ២៥ ខែវិច្ឆិកា។ បន្ថែមពីនេះ ប្រភពព័ត៌មានដែលទទួលបាននិយាយថា រដ្ឋាភិបាលអ៊ីស្រាអែលបានបញ្ជាឱ្យយោធារៀបចំការត្រៀមជាមុន ពីព្រោះដោយមានការព្រួយបារម្ភថា ស្ថានភាពធូរស្រាលគឺមិនងាយនឹងត្រឡប់មកដូចដើមវិញ ប្រសិនបើអាមេរិកវាយប្រហារអ៊ីរ៉ង់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរជម្រាបថា កាលពីសប្តាហ៍មុនកាសែត New York Times បានរាយការណ៍ថា លោក ត្រាំ បានស្នើឱ្យមន្ត្រីក្រោមឱវាទរបស់លោក ដោយលើកឡើងពីផែនការវាយប្រហារទីតាំងនុយក្លេអ៊ែរអ៊ីរ៉ង់ អំឡុងពេលប្រជុំមួយនៅការិយាល័យ Oval កាលពីថ្ងៃទី ១២ ខែវិច្ឆិកា ជាមួយអ្នកប្រឹក្សាជាន់ខ្ពស់។ ប៉ុន្តែ គំនិតទាំងនោះត្រូវបោះបង់ចោលទៅវិញ ដោយសារទីប្រឹក្សារបស់លោកគិតថា ការធ្វើបែបនេះនឹងបង្កជាភាពតានតឹងផ្នែកយោធាកាន់តែខ្លាំងឡើងនៅក្នុងតំបន់ ហើយអាចបង្កឱ្យមានជម្លោះនិងបង្កជាបញ្ហាប្រឈមទៅនឹងនយោបាយការបរទេសដ៏ធ្ងន់ធ្ងរចំពោះប្រធានាធិបតីជាប់ឆ្នោត ចូន បៃដិន នៅពេលដែលលោកចូលកាន់តំណែង៕