ភ្នំពេញ៖ ដោយសារមើលឃើញពីភាពចាំបាច់ និងតម្រូវការ នៃការពង្រឹងសមត្ថភាពចំណេះជំនាញកាន់តែមានភាពប្រសើរឡើងនោះ មហាគ្រួសារសម្រស់ធម្មជាតិ បានចំណាយទុនជិត ១០ ម៉ឺនដុល្លារ ដើម្បីបំបែកប្រវត្តិសាស្រ្តបង្វឹកភាពជាអ្នកដឹកនាំថ្មីមួយ ដល់សមាជិកគ្រួសារសម្រស់ធម្មជាតិរហូតដល់ ៣៥០ នាក់ បានចូលរួមរៀនវគ្គពង្រឹងសមត្ថភាពដែលមានឈ្មោះថា «ភាពជាអ្នកដឹកនាំឆ្ពោះទៅរកភាពជោគជ័យកម្រិតកំពូល» ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកម្មវិធីបង្វឹកភាពជាអ្នកដឹកនាំកំពូលជាប្រវត្តិសាស្រ្តនេះ បានធ្វើឡើងរយៈ ២ ថ្ងៃ កាលពីថ្ងៃទី២០ និង២១ ខែវិច្ឆិកា ឆ្នាំ ២០២០ កន្លងទៅនេះ នៅភោជនីយដ្ឋានទន្លេបាសាក់ ២ ដែលរៀបចំដោយក្រុមហ៊ុនសម្រស់ធម្មជាតិ សហការជាមួយ CEO Master Club ដោយមានការបង្វឹកផ្ទាល់ពីលោកគ្រូ អោម សេងបូរ៉ា ដែលជាអ្នកបណ្ដុះបណ្ដាល និង គ្រូបង្វឹកធុរកិច្ចដ៏ល្បីឈ្មោះមួយរូបនៅព្រះរាជណាចក្រកម្ពុជា។
ក្នុងឱកាសនៃការបើកម្មវិធីបង្វឹកនោះ លោកស្រី នួន ស៊ុន្ទរី ហៅ ស្រីអូន អគ្គនាយិកា ក្រុមហ៊ុនសម្រស់ធម្មជាតិ បានបង្ហាញឱ្យដឹងពីគោលបំណងចម្បង ដែលនាំឱ្យគ្រួសារសម្រស់ធម្មជាតិ ចាយទុនវិនិយោគដ៏ច្រើនសន្ធឹកសន្ធាប់មកចូលក្នុងវគ្គបណ្តុះបណ្តាលនេះដែរថា ដោយសារតែលោកស្រីយល់ឃើញថាកម្មវិធីនេះ ជាកម្មវិធីបង្វឹកដ៏អស្ចារ្យ ហើយបានធ្វើឱ្យលោកស្រី និង ក្រុមហ៊ុនសម្រស់ធម្មជាតិ វិវឌ្ឍខ្លួនរីកចម្រើនយ៉ាងខ្លាំងឈប់ឈរមកទល់សព្វថ្ងៃនេះ។
លោកស្រី នួន ស៊ុន្ទរី បានលើកឡើងថា៖
លោកស្រីបានបន្តទៀតថា៖
អគ្គនាយិការូបនេះបន្ថែមថា ក្នុងនាមជាមេដឹកនាំក្រុមហ៊ុន និង មហាគ្រួសារសម្រស់ធម្មជាតិ មានការទទួលខុសត្រូវដ៏ធំ ក្នុងការធ្វើឱ្យក្រុមហ៊ុនរីកចម្រើន រឹងមាំ ហើយក៏រឹតតែចាំបាច់នោះ គឺធ្វើឱ្យសមាជិកមហាគ្រួសារសម្រស់ធម្មជាតិ មានចំណេះដឹង ជំនាញកាន់តែខ្លាំងពូកែ និងហិរញ្ញវត្ថុរីកចម្រើន សេចក្តីសុខផ្ទាល់ខ្លួន និង ក្រុមគ្រួសារផងដែរ ។ ដូច្នេះហើយលោកស្រី ឱ្យតម្លៃខ្ពស់ចំពោះចំណេះដឹង តាមរយៈការចូលរៀនជាមួយជំនាញដែលត្រឹមត្រូវ ជាមួយស្ថាប័នបង្វឹកដ៏ត្រឹមត្រូវ និង គ្រូបង្វឹកដ៏ត្រឹមត្រូវដែលមានកេរ្តិ៍ឈ្មោះល្បី អមដោយបទពិសោធច្រើនឆ្នាំ និង ស៊ីជម្រៅ ។
ចំពោះអ្នកគ្រូ សូ សេរីវឌ្ឍនា អគ្គនាយិកា CEO Master Club នៃ វិទ្យាស្ថានស៊ីអ៊ីអូ បានគូសបញ្ជាក់ដែរថា អ្នកគ្រូសូមសម្តែងនូវកោតសរសើរយ៉ាងខ្លាំង ចំពោះលោក ឈាង រ័ត្ន អគ្គនាយក និង លោកស្រី នួន ស៊ុន្ទរី ហៅ ស្រីអូន អគ្គនាយិកា ក្រុមហ៊ុនសម្រស់ធម្មជាតិ ដែលមានទឹកចិត្តទូលំទូលក្រៃលែង ក្នុងការកសាងសមត្ថភាពដល់ថ្នាក់ដឹកនាំ ក៏ដូចជាសមាជិកមហាគ្រួសារសម្រស់ធម្មជាតិ ឱ្យកាន់តែខ្លាំងពូកែ ។
អ្នកគ្រូ សូ សេរីវឌ្ឍនា បានមានប្រសាសន៍ថា ៖
គួរឱ្យដឹងដែរថា លោកស្រី សួន ស៊ុន្ទរី ហៅ ស្រីអូន និង ស្វាមី គឺជាថ្នាក់ដឹកនាំកំពូលរបស់ក្រុមហ៊ុនសម្រស់ធម្មជាតិ មិនត្រឹមតែចូលចិត្តការសិក្សា និង ឱ្យតម្លៃខ្ពស់លើការពង្រឹងចំណេះដឹង ជំនាញប៉ុណ្ណោះទេ ប៉ុន្តែអ្នកដឹកនាំស្ថាប័នមួយនេះក៏តែងតែមានចិត្តល្អ និង បានចូលរួមសកម្មភាពសប្បុរសធម៌ជួយដល់សង្គមជាច្រើន តាមគ្រប់រូបភាពផងដែរ ដូចជា ផ្តល់អំណោយជូនដល់តាៗស៊ីក្លូ ជនក្រីក្រ អង្គការកុមារកំព្រា ពិការ ។ល៕