ចូលរួមសោកស្ដាយ March ជួបទុក្ខធំ ម្ដាយបានទទួលមរណភាព

ថៃ៖ បច្ចុប្បន្ននេះ តារាប្រុស លោក March Chutavuth ក៏ជាតារាដ៏មានប្រជាប្រិយភាពមួយ ដែលមានទទួលបានការពេញចិត្តពីទស្សនិកជនជាច្រើន ធ្វើឲ្យលោកកាន់តែមានភាពជោគជ័យ នៅក្នុងការងារសិល្បៈ ដែលជាការខិតខំប្រឹងប្រែងអស់រយៈពេលជាច្រើនឆ្នាំ កន្លងមកនេះ។ 

ដោយឡែក ងាកមកមើលពីជីវិតក្នុងក្រុមគ្រួសារវិញ ស្រាប់តែកាលពីថ្មីៗនេះ តារាប្រុសរូបនេះ បានបង្ហោះរូបភាពអ្នកម្ដាយរបស់ខ្លួន ព្រមទាំងសារដ៏សោកសៅ​ ដែលបានបង្ហាញពីដំណឹងដ៏ក្រៀមក្រំ ខណៈអ្នកម្ដាយរបស់លោក បានទទួលមរណភាពហើយ។ 

ម៉្យាងវិញទៀត បានឲ្យដឹងទៀត អ្នកម្ដាយរបស់លោក បានតស៊ូជាមួយនឹងជំងឺមហារីក រយៈពេល ៥ ឆ្នាំ ទៅហើយដែរ ដោយមានការមើលថែយ៉ាងដិតដល់ពីកូនៗថែមទៀតផង។ យ៉ាងណាមិញ ក្រោយពីទទួលបានដំណឹងបែបនេះហើយ បណ្ដាអ្នកគាំទ្រ និងមិត្តៗនៅក្នុងសិល្បៈជាច្រើន ក៏បានបង្ហាញសារលើកទឹកចិត្ត និងចូលរួមរំលេកទុក្ខដ៏សោកសង្រេងជាមួយគ្នា ផងដែរ៕

សូមទស្សនារូបភាពខាងក្រោម៖