បរទេស៖ យោងតាមការចុះផ្សាយរបស់គេហទំព័រ Independent News នៅព្រឹកថ្ងៃទី២៦ ខែវិច្ឆិកា ឆ្នាំ២០២០ ។ អ្នកប្រដាល់សញ្ជាតិហ្វីលីពីន Manny Pacquiao បានបញ្ជាក់ថារូបគេនឹងប្រកួតជាមួយ Conor McGregor នៅមជ្ឈឹមបូព៌ាឆ្នាំក្រោយ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បើយោងតាមការិយាល័យរបស់ Pacquiao បានឲ្យដឹងថា ៖
ដើម្បីជាប្រយោជន៍ដល់ជនរងគ្រោះហ្វីលីពីនដោយសារ Covid-19 សមាជិកព្រឹទ្ធសភា Manny Pacquiao នឹងត្រូវប្រកួតជាមួយកំពូលតារា UFC លោក Conor McGregor នៅឆ្នាំក្រោយ។ ចំណែកដ៏ធំនៃប្រាក់ចំណូលរបស់គាត់ នឹងបន្តទៅអ្នកដែលរងផលប៉ះពាល់នៅទូទាំងប្រទេសដោយសារជំងឺរាតត្បាតនេះ។
គួរបញ្ជាក់ដែរថាបន្ទាប់ពី ចាញ់ Floyd Mayweather ក្នុងឆ្នាំ២០១៧ ហើយ McGregor សង្ឃឹមថានឹងបង្ហាញខ្លួនសាជាថ្មី ក្នុងសង្វៀនប្រដាល់ម្តងទៀត ជាមួយនឹង Pacquiao ។
ចំណែកឯ Pacquiao វ័យ៤១ឆ្នាំ បានប្រកួតចុងក្រោយនៅខែកក្កដាឆ្នាំ២០១៩ ដោយបានផ្តួល Keith Thurman ក្នុងកំណត់ត្រារបស់គេសរុប៧១ដង ឈ្នះ៦២ និងចាញ់ ៧ដង និងស្មើ ២ ដង៕
ប្រភព៖ independent.co.uk
Bong I.T