អង់គ្លេស៖ បើតាមសេចក្ដីរាយការណ៍បានឲ្យដឹងថាក្លិបកាំភ្លើងធំ Arsenal កំពុងតែចូលខ្លួនប្រជែងជាមួយនឹង Manchester United និង Real Madrid តាមប្រមាញ់យកខ្សែការពារឆ្នើម Pau Torres ពីក្លិប Villarreal របស់់អេស៉្បាញនៅទីផ្សារដោះដូរខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរក្លិប Villarreal បានធ្វើការទាមទារតម្លៃខ្លួនកីឡាករជម្រើសជាតិអេស៉្បាញរូបនេះដល់ទៅ ៤៥លានផោនឯណោះ (ឬប្រមាណ៦០លានដុល្លារ)។ ហើយប្រសិនបើក្លិបលោក Mikel Arteta ហ៊ានចំណាយលើតម្លៃនេះមែននោះ រនាំងការពារវ័យ២៣ឆ្នាំ Pau Torres នឹងស្ថិតក្នុងបញ្ជីខ្សែកាពារកណ្តាលថ្លៃជាងគេម្នាក់នៅ Arsenal ។
គួរបញ្ជាក់ដែរថាសម្រាប់រដូវកាលថ្មីនេះ Pau Torres នៅតែជារនាំងការពារដ៏សំខាន់ម្នាក់របស់ Villarreal ពោលបង្ហាញខ្លួនសរុបបានចំនួន១១ប្រកួតមកហើយ ក្នុងនោះរូបគេក៏មានឱកាសរកបានមួយគ្រាប់ផងដែរ៕
ប្រភព៖ sportsmole