សៀមរាប៖ តារាសម្ដែងស្រី អ្នកនាង នៅ សូនីតា បន្ទាប់ពីមានកូនប្រុសម្នាក់គួរឲ្យក្នាញ់ចូលមកក្នុងជីវិតមក គេឃើញជីវិតគ្រួសារ តារារូបនេះកាន់តែ មានក្ដីសុខជាងមុនទ្វេដង។ ម្យ៉ាងវិញទៀត បើទោះបីនាងមានភាពមមាញឹកនឹងការងារយ៉ាងណាក្ដី ក៏តារារូបនេះ នៅតែឆ្លៀតពេលនៅក្បែរកូនប្រុស និងស្វាមីបង្កើតសុភមង្គលក្នុងគ្រួសារផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនតែប៉ុណ្ណោះ ចាប់តាំងពីកសាងជីវិតគ្រួសាររួចមក តារាស្រីរូបនេះ តែងតែបង្ហាញនូវស្នាមញញឹមយ៉ាងស្រស់ស្រាយ គ្រប់ពេលតែម្ដង ខណៈដែលមានស្វាមីល្អ ចេះយល់ចិត្ត និងមានកូនប្រុសម្នាក់ឆ្លាត ឃ្យូតគួរឲ្យស្រលាញ់បែបនេះ។ ជាពិសេស មួយរយៈចុងក្រោយនេះ គេសង្កេតឃើញ ចំណងស្នេហាប្ដីប្រពន្ធតារារូបនេះ កាន់តែល្អូកល្អើននឹងគ្នាមិនចាញ់ពេលផ្ដើមស្នេហ៍គ្រាដំបូងឡើយ។
តួយ៉ាង ប៉ុន្មានម៉ោងមុននេះ អ្នកនាង នៅ សូនីតា បានបង្ហោះរូបភាពថ្មីជុំគ្រួសារ ពេលទៅដើរលេងនៅទឹកដីអង្គរខេត្តសៀមរាប មើលទៅនាង និងស្វាមី បានបង្ហាញនៅស្នាមញញឹមយ៉ាងមានក្ដីសុខពេញលេញតែម្ដង។ ដោយរូបភាពជាច្រើនសន្លឹកនោះ បានបញ្ចាក់ឲ្យឃើញយ៉ាងច្បាស់ថា ជីវិតគ្រួសារនាងមានភាពរឹងមាំ យល់ចិត្តគ្នាកាន់តែខ្លាំង លើសពីនេះទៅទៀត គេឃើញតារារូបនេះ និងស្វាមី បានបង្ហាញសកម្មភាពស្វីតៗ ជាមួយគ្នាដូចគូស្នេហ៍ថ្មីថ្មោងយ៉ាងដូច្នោះដែរ។ ក្នុងនោះដែរ បន្ទាប់ពីអ្នកគាំទ្រជាច្រើន បានឃើញរូបភាពជុំគ្រួសារតារាស្រីកូនមួយរូបនេះរួច ពួកគេបានសរសើរពីជីវិតគ្រួសារនាងគ្រប់គ្នាតែម្ដង៕
សូមទស្សនារូបភាពខាងក្រោម៖