អូស្ត្រាលី៖ កាលពីថ្មីៗកន្លងទៅនេះ ផេនឃ្វីនឈ្មោលមួយគូ ដែលស្រលាញ់ភេទដូចគ្នា បានក្លាយជាឪពុកសម្រាប់កូនទី២ បន្ទាប់ពីទទួលមើលថែពងមិនទាន់ញាស់ពីផេនឃ្វីនញីឈ្មោលគូដទៃទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សផេនឃ្វីនមួយគូនេះ មានឈ្មោះថា ស្ពែន និងម៉ាកជីក រស់នៅក្នុងកន្លែងកម្សាន្ត Sea Life Aquarium នៃទីក្រុងសុីដនី។ ហើយពួកវាទាំងពីរក្បាល ធ្លាប់បានទទួលមើលថែពងមិនទាន់ញាស់ម្ដងរួចមកហើយកាលពីឆ្នាំ២០១៨ ដែលសព្វថ្ងៃនេះ កូនចិញ្ចឹមទីមួយរបស់វាមានអាយុ២ឆ្នាំ។ មុនពេលដែលពងមិនទាន់ញាស់ ពួកវាទាំងពីរតែងតែដាក់វេនគ្នាមើលថែ ដូចជាក្រាបពីលើពងជាដើម ដើម្បីការពារពងពីគ្នីគ្នាវាផងដែរ។
យោងតាមសម្ដីរបស់អ្នកនាំពាក្យបានឲ្យដឹងដែរថា ប្រសិនបើគូផេនឃ្វីនញីឈ្មោលណា មានពងច្រើនពេក និងមិនចេះមើលថែពង ខាងបុគ្គលិកក្នុងកន្លែងកម្សាន្ត នឹងយកពងដែលមិនទាន់ញាស់ ទៅឲ្យគូផេនឃ្វីនញីឈ្មោលដទៃ ឬគូផេនឃ្វីនឈ្មោលខាងលើនេះ ដើម្បីទទួលចិញ្ចឹមតែម្ដង។
យ៉ាងណាមិញ ផេនឃ្វីនឈ្មោលមួយគូនេះ ក៏បានបង្កើតប្រវត្តិសាស្ត្រជូនប្រទេសអូស្ត្រាលីផងដែរ ដែលមានកូនចិញ្ចឹមរហូតដល់ទៅពីរក្បាលឯណោះ៕
សូមទស្សនារូបភាពខាងក្រោម៖