បូគោតា៖ រដ្ឋាភិបាលកូឡុំប៊ីបានប្រកាសកាលពីថ្ងៃអង្គារថា ភរិយាប្រធានាធិបតីកូឡុំប៊ី គឺលោកស្រី Maria Juliana Ruiz បានធ្វើតេស្តវិជ្ជមានជំងឺកូវីដ-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការិយាល័យនាំពាក្យប្រធានាធិបតីបានឱ្យដឹងថា ប្រធានាធិបតីកូឡុំប៊ី លោក Ivan Duque និងភរិយារបស់លោក បានធ្វើតេស្តជំងឺកូវីដ-១៩នេះជាប្រចាំ ដោយសារតែអ្នកទាំងពីរមានកម្រិតខ្ពស់នៃការឆ្លងជំងឺ តាមរយៈការចូលរួមក្នុងជំនួបផ្សេងៗ។
ការិយាល័យនាំពាក្យបន្ថែមថា លោកស្រី Ruiz រកឃើញលទ្ធផលវិជ្ជមានជំងឺកូវីដ-១៩ កាលពីថ្ងៃច័ន្ទ ខណៈពេលដែលលោកស្រី ត្រូវបានរៀបចំដាក់ឱ្យនៅដាច់ដោយឡែក។ ចំណែកឯការធ្វើតេស្តកូវីដ-១៩ ស្វាមីរបស់លោកស្រី គឺទទួលបានលទ្ធផលអវិជ្ជមាន។
គួរជម្រាបថា គិតត្រឹមពេលនេះ ប្រទេសកូឡុំប៊ីមានករណីឆ្លងកូវីដ-១៩ ជាង ១.២លានករណី ហើយក្នុងនោះ មានករណីដោយសារជំងឺនេះចំនួន ៣៥,៤៧៩ករណី៕
Bong I.T