មូលហេតុធំៗចំនួន២ ដែលបណ្តាលឱ្យ ករុណា ពេជ្រ ខំប្រឹងខ្លាំងយ៉ាងនេះ

ភ្នំពេញ៖ តារាចម្រៀងប្រចាំផលិតកម្មថោន លោក ករុណា ពេជ្រ មួយរយៈចុងក្រោយនេះហាក់ស្ងប់ស្ងាត់ការងារសិល្បៈជាខ្លាំង ហើយបែរងាកមកចាប់លើអាជីវកម្មមួយចំនួនទៅវិញ។

តារាចម្រៀងសម្លេងស្រទន់រូបនេះ ហាក់មានបន្ទុកខ្លាំងដោយសារលោកឪពុកមានជំងឺត្រូវនៅមើលថែជាប្រចាំ និងមានការចំណាយច្រើនលើថ្នាំសង្កូវផងដែរ ទើបលោកសម្រេចចិត្តលក់របស់របរមួយចំនួនដូចជាដីធ្លីជាដើម។

ដោយឡែកម្ចាស់បទ “អ្នកកំដរ” រូបនេះត្បិតអីតែត្រូវចំណាយច្រើន ប៉ុន្តែលោកក៏នៅមានលទ្ធភាពគ្រប់គ្រាន់ដើម្បីសាងសង់ផ្ទះឱ្យកាន់តែធំ និងខំប្រឹងប្រែងបន្ថែមមុខរបរថ្មីៗផងដែរ។

យ៉ាងណាមិញប្រិយមិត្តប្រហែលជាបានដឹងរួចមកហើយថា ផ្ទះវីឡារបស់លោក ករុណា ពេជ្រ ចាប់ផ្តើមសាងសង់មកដល់ឥលូវនេះក៏មានរយៈពេលយូរគួរសម ក្រោយពេលដែលលោកសម្រេចចិត្តលក់ផ្ទះវីឡាដែលនៅក្នុងបុរីចោល ដើម្បីទប់ទល់ជីវភាពនាកំឡុងពេលនោះ។

ក្នុងនោះផងដែរលោក ករុណា ពេជ្រ ចាប់ផ្តើមខំប្រឹងខ្លាំងជាងមុនទៅលើផ្ទះដែលកំពុងសាងសង់ឱ្យកាន់តែឆាប់រួចរាល់ដោយសារតែលោកមានមូលហេតុធំៗ២ ដែលលោកបានរៀបរាប់ថា “ម្នាក់ឯងប្រឹងម្តងនេះប្រឹងខ្លាំងណាស់ ដំបូងប្រឹងថាប្រញាប់នាំប៉ាមកនៅដើមឆ្នាំ២០២១ ដល់ឥលូវបន្ថែមប្រឹងមួយទៀត គឺខ្លាច សុគន្ធ ថេរ៉ាយុ សើចថា ផ្ទះហ្នឹង ២០២២ មិនដឹងហើយបានចូលនៅអត់ផង...”៕

សូមទស្សនារូបភាពខាងក្រោមនេះ៖