បរទេស ៖ ប្រិយមិត្តប្រាកដជាស្គាល់រួចហើយ កីឡាការិនីជនជាតិឥណ្ឌា RITU PHOGAT ដែលធ្លាប់បានផ្ដួលកីឡាការិនីកម្ពុជា នូ ស្រីពៅ កាលពីដើមខែតុលាកន្លងទៅថ្មីៗនេះ ដោយត្រូវអជ្ញាកណ្ដាលបញ្ឈប់នៅត្រឹមទឹកទី២ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយបើយោងតាមការចុះផ្សាយ របស់គេហទំព័រ ONE Championship បានបញ្ជាក់ថា កីឡាការិនីជនជាតិឥណ្ឌារូបនេះ នឹងមានឈ្មោះប្រកួតម្ដងទៀត ដោយរូបនាងនឹងត្រូវជួបជាមួយជើងខ្លាំងមកប្រទេសហ្វីលីពីន នោះគឺកីឡាការិនី JOMARY TORRES ដោយការប្រកួតនេះ ដែលនឹងធ្វើឡើងនៅពហុកីឡដ្ឋានជាតិប្រទេសសឹង្ហបុរី នៅថ្ងៃទី៤ ខែវិច្ឆិកា ឆ្នាំ២០២០ខាងមុខនេះ ។
គួរបញ្ជាក់ផងដែរថា កីឡាការិនី JOMARY TORRES ធ្លាប់បានប្រកួតនៅសង្វៀន ONE នេះមានចំនួន៨លើកមកហើយ ពោលគឺរូបនាងធ្លាប់ឈ្នះ៣លើក និងចាញ់៥លើក ។ ចំណែកឯកីឡាការិនី RITU PHOGAT វិញ ធ្លាប់បានប្រកួតនៅលើសង្វៀន ONE នេះ ចំនួន៣លើក ដោយក្នុងនោះឈ្នះទាំង៣លើកតែម្ដង ៕
ប្រភព៖ ONE Championship