ម៉ាឡេស៊ី៖ កាលពីព្រឹកថ្ងៃចន្ទ ទី២៣ ខែវិច្ឆិកា ម្សិលមិញនេះ ប៉ូលិសម៉ាឡេស៊ីបានឃាត់ខ្លួនជនសង្ស័យដែលត្រូវជាប្ដីប្រពន្ធនឹងគ្នា ដើម្បីធ្វើការស៊ើបអង្កេត បន្ទាប់ពីបោះបង់ទារកដែលស្លាប់ម្នាក់ចោល នៅមុខព្រះវិហារអ៊ីស្លាម Sungai Way។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ជនសង្ស័យទាំងពីររួមមាន បុរសជនជាតិម៉ាឡេស៊ីអាយុ២៥ឆ្នាំម្នាក់ និងស្ដ្រីជនជាតិឥណ្ឌូណេស៊ីម្នាក់ ត្រូវបានចាប់ខ្លួននៅវេលាម៉ោង ២ និង ៤៥នាទីទាបភ្លឺ នៅឯសណ្ឋាគារមួយកន្លែង បន្ទាប់ពីប៉ូលិសទទួលដំណឹងពីវិហារអ៊ីស្លាមថាបានរកឃើញសាកសពទារកអាយុប្រហែល៤ខែម្នាក់ ត្រូវបានគេទុកចោលក្នុងកាបូបមួយ និងរួមទាំងក្រដាសមួយសន្លឹកផងដែរ នៅម៉ោង ៨ និង ៤៨នាទីយប់ថ្ងៃអាទិត្យ ទី២២ ខែវិច្ឆកា។
ក្នុងក្រដាសមួយសន្លឹកនោះ បានសរសេររៀបរាប់ថា៖
ជុំវិញករណីនេះ គេជឿថាប្ដីប្រពន្ធគូនេះ សម្រេចចិត្ដធ្វើដូចច្នេះ គឺដោយសារទំនាក់ទំនងរបស់ពួកគេ គឺមិនត្រូវបានយល់ព្រមពីសំណាក់អាណាព្យាបាល។ តែយ៉ាងណាមិញ ជនសង្ស័យទាំងពីរនាក់នេះត្រូវបានឃាត់ខ្លួន ហើយការស៊ើបអង្កេតបន្ថែមកំពុងដំណើរការ៕