បរទេស៖ មហាសេដ្ឋី Elon Musk បានបន្តទៅដណ្តើមតំណែងលោក Bill Gates ក្លាយជាអ្នកមានបំផុតទី២លើពិភពលោក បន្ទាប់ពីទ្រព្យសម្បតិ្តរបស់លោក បានវ៉ាដាច់នាយកប្រតិបត្តិក្រុមហ៊ុនហ្វេសប៊ុក គឺលោក Mark Zuckerberg ក្លាយជាអ្នកមានបំផុតលំដាប់ទី៣ ត្រឹមតែរយៈពេលប៉ុន្មានសប្តាហ៍មុនប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទ្រព្យសម្បត្តិលោក Musk បានកើនឡើងយ៉ាងខ្លាំង ក្រោយពីក្រុមហ៊ុនឡានអេឡិចត្រូនិចរបស់លោក គឺក្រុមហ៊ុន Tesla ត្រូវបានគេជ្រើសរើសឱ្យចូលរួមជាមួយផ្សារភាគហ៊ុន S&P 500។
យោងតាមគេហទំព័រ Bloomberg បានឱ្យដឹងថា ទ្រព្យសម្បត្តិសុទ្ធរបស់មហាសេដ្ឋីវ័យ ៤៩ឆ្នាំរូបនេះ បានកើនឡើងពី ៧,២ ពាន់លានដុល្លារ ទៅ ១២៧,៩ពាន់លានដុល្លារ ដោយសារតែកំណើនឡើងខ្លាំងបំផុត នៃតម្លៃភាគហ៊ុនរបស់ក្រុមហ៊ុន Tesla ។
គួរជម្រាបថា បច្ចុប្បន្នមានតែលោក Jeff Bezos ដែលជាស្ថាបនិកក្រុមហ៊ុន Amazon ប៉ុណ្ណោះ ដែលនៅឈរនាំមុខ លោក Musk គ្រងតំណែងជាអ្នកមានទ្រព្យសម្បត្តិ ច្រើនជាងគេបំផុតលើពិភពលោក៕