Real គ្រោងយកគោលដៅរបស់ Everton ទៅប្តូរជាមួយកីឡាកររបស់ Inter

Real Madrid បានចរចាជាមួយក្លិប Inter Milan ជុំវិញការប្តូរកីឡាករគ្នារវាងខ្សែបម្រើប្រយុទ្ធ Isco និង ខ្សែបម្រើប្រយុទ្ធ Christian Eriksen បើតាមរបាយការណ៍របស់ Sky Germany ។

ប្រធានក្រុមជម្រើសជាតិដាណឺម៉ាក Christian Eriksen បានព្យាយាមស្វែងរកទម្រង់លេងដ៏អស្ចារ្យរបស់ខ្លួនត្រឡប់មកវិញចាប់តាំងពីមកចូលរួមជាមួយក្លិប Inter Milan កាលពីខែមករា កន្លងមកនេះ ចំណែកឯខ្សែបម្រើប្រយុទ្ធជម្រើសជាតិអេស្ប៉ាញ Isco វិញ ក៏បានបង្ហាញចំណាប់អារម្មណ៍ក្នុងការផ្ទេរចេញពីក្លិបយក្សរបស់អេស្ប៉ាញ Real Madrid ដែរ ក្រោយមិនមានឱកាសបង្ហាញខ្លួនគ្រប់គ្រាន់ក្នុងជម្រើសរបស់លោក Zidane។

ទោះជាយ៉ាងណា ដំណើរនៃការប្តូរកីឡាករគ្នានេះ អាចនៅមានដំណើរវែងឆ្ងាយទៅមុខទៀត បន្ទាប់ក្លិប Real Madrid បានកំណត់តម្លៃកីឡាករ Isco ប្រមាណ ៨៣លានដុល្លារ ខណៈក្លិបយក្សអ៊ីតាលី ដាក់តម្លៃ Eriksen ប្រមាណ ៣៥លានដុល្លារប៉ុណ្ណោះ បន្ទាប់ពីផ្ទេរពីក្លិប Tottenham Hotspur កាលពី១០ខែមុន៕

ប្រភព៖ Goal