ភ្នំពេញ ៖ កីឡាករប្រភេទទម្ងន់ធ្ងន់ គឺកីឡាករ ធឿន ធារ៉ា និងកីឡាករ ឯម ឡេងលី ត្រូវបានគេចាត់ទុកថា ជាកីឡាករជួរមុខរបស់កម្ពុជា ប៉ុន្តែសង្កេតឃើញប៉ុន្មានឆ្នាំចុងក្រោយនេះ ឃើញថា ទម្រង់វ៉ៃរបស់កីឡាករទាំងពីរ ហាក់ដូចជាធ្លាក់មែនទែន បើប្រៀបនឹងប៉ុន្មានឆ្នាំមុន នេះក៏ដោយសារតែកត្តាជីវភាពផង និងកត្តាសុខភាព គួបផ្សំនឹងរបួសពេលប្រកួតផង ទើបបណ្ដាលឱ្យកីឡាករទាំងពីរធ្លាក់ទម្រង់ប្រកួតដូច្នេះ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករទាំងពីរនឹងត្រូវជួបគ្នា ក្នុងជំនួបសងសឹកផង និងដណ្ដើមទឹកប្រាក់២លានរៀលទៀតផង នៅក្នុងស្ថានីយ៍ទូរទស្សន៍ BTV នៅថ្ងៃទី២៨ ខែវិច្ឆិកា ឆ្នាំ២០២០ ចាប់ពីវេលាម៉ោង៨ព្រឹកតទៅ ។
គួររម្លឹកផងដែរថា កីឡាករទាំងពីរធា្លប់បានជួបគ្នាម្ដងរួចហើយ ដោយពេលនោះ ឯម ឡេងលី ជាអ្នកទទួលជ័យជម្នះ លើសិស្សច្បង ធឿន ធារ៉ា និងដណ្ដើមបានប្រាក់លាន២លានរៀលទៀតផង ។ តើសិស្សច្បង ធឿន ធារ៉ា អាចជម្រះបញ្ជីចាស់ និងយកទឹកប្រាក់២លានទៅផ្ទះវិញ ឬក៏សិស្សប្អូនជាអ្នកយកដដែល?