ភ្នំពេញ៖ ប៉ុន្មានប្រកួតចុងក្រោយនេះ សង្កេតឃើញថា កីឡាករ អេលីត សាន់ ធ្វើបានល្អ ពោលរូបគេបានផ្ដួលកីឡាករល្អៗជាច្រើន ដូចជា ឈុត សេរីវ៉ាន់ថង, បាំង កាយ៉ាក, ជ័រ ពៅ ជាដើម ដែលសុទ្ធសឹងតែជាកីឡាករឆ្នើម ប្រចាំក្លិបនីមួយៗ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ទាប់ពីរូបគេបានដណ្ដើមប្រាក់លាន នៅស្ថានីយ៍ទូរទស្សន៍ថោន ក្នុងកម្មវិធីម៉ាស់ហ្វៃ (MAS FIGHT) រួចមក ពេលនេះរូបគេបាននិយាយថា គេចង់ជួបកីឡាករ តាញ់ មករា ដែលជាកីឡាករនៅកំពុងហ្វឹងហាត់នៅក្លឹបក្រសួងមហាផ្ទៃ។
គួរបញ្ជាក់ផងដែរថា តាញ់ មករា ជាកីឡាករមួយរូប ដែលពោរពេញទៅដោយបច្ចេកទេស និងធន់ ជាពិសេសជង្គង់បោះវែងរបស់គេនោះ ដែលជាអាវុធគ្រោះថ្នាក់បំផុតសម្រាប់ដៃគូប្រកួតរបស់គេ ។
ទន្ទឹមនឹងនេះផងដែរ តាញ់ មករា ក៏ដូចជាគ្រូបង្វឹករបស់គេ គឺលោកគ្រូ ធន់ សុភា មិនទាន់មានការឆ្លើយតប ក៏ដូចជាប្រតិកម្ម នឹងការចង់ជួបរបស់ អេលីត សាន់ នៅឡើយទេ ។ ដូច្នេះថាតើជំនួបរវាងកីឡាករទាំងពីរ អាចនឹងកើតឡើងដែរឬទេ?