ជាតារាល្បីយ៉ាងណា Angela Baby បែរជារងការរិះគន់ចំពោះរឿងនេះ

ចិន៖ ថ្មីៗនេះ ស្រាប់តែមានការបង្ហោះរូបភាព ពីក្រោយឆាកនៅក្នុងរឿងថ្មី របស់ តារាស្រី Angela Baby ព្រមជាមួយនឹងការតុបតែងខ្លួន ក្នុងឈុតសម្លៀកបំពាក់បុរាណ បង្ហាញសម្រស់យ៉ាងស្រស់សោភា បើទោះបីជា រូបភាពទាំងនោះ មិនទាន់បានកែសំរួលក៏ពិតមែន តែរូបរាងរបស់តារាស្រីរូបនេះ នៅតែត្រូវបានគេកោតសរសើរយ៉ាងខ្លាំង។

យ៉ាងណាមិញ ក្រៅពីមានការសរសើរពីរូបសម្រស់របស់តារាស្រីរូបនេះហើយ ស្រាប់តែមានការតវ៉ា ពីអ្នកលេងបណ្ដាញសង្គមមួយចំនួន នៅក្នុងវីដេអូពីក្រោយឆាកនេះ ខណៈពេលដែល Angela Baby បានបង្ហាញ ចលនាក្បាច់គុន ដែលត្រូវបានគេមើលឃើញថា នាងមើលទៅពិតជាខ្សោយ និងខ្វះភាពស្ទាត់ជំនាញ។

ម៉្យាងវិញទៀត ពួកគេបានបន្ថែមថា នាងគួរតែមានការខិតខំប្រឹងប្រែងយ៉ាងខ្លាំងថែមទៀត ដោយការបង្ហាញពីសកម្មភាពយ៉ាងរស់រវើក នៅក្នុងអាជីពសិល្បៈរបស់នាង មិនមែនមានត្រឹមតែពាក្យសន្យានោះទេ៕​

សូមទស្សនារូបភាពខាងក្រោម៖