រាជធានីភ្នំពេញ ៖ នារីម្នាក់រត់ចុះពីលើម៉ូតូឌុបមានស្ពាយកាបូបដើរសំដៅចូលទៅ ក្នុងប៉ុស្ដិ៍នគរបាលសង្កាត់ផ្សារដើមគ ខណ្ឌទួលគោក ប្រាប់ថា នាងជាអ្នកចម្រៀងសុំប្ដឹងពីសន្ដិសុខនៅក្លឹបកម្សាន្តមួយដែល បានចាប់ទាញនាងចេញពីក្នុងក្លឹបថា នាងស្រវឹងបង្កភាពរញ៉េរញ៉ៃក្នុងក្លឹបកាលពីវេលាម៉ោង៣និង១០នាទី ទៀបភ្លឺថ្ងៃទី៦ មេសា ។
បើតាមសម្ដីរបស់នារីដែលជិះម៉ូតូឌុបដើរប្ដឹង ស្ទើរតែពេញក្រុងភ្នំពេញនោះប្រាប់ថា នាងមានឈ្មោះឃឹម លីដា ភេទស្រី អាយុ២៣ឆ្នាំ ជាអ្នកចម្រៀងទើបប្រឡងជាប់ហើយកាលពីមុនជាកម្មការិនីរោងចក្រ ស្នាក់នៅមិនពិតប្រាកដ។ ប្រភពបន្តឱ្យដឹងថា នាងជិះម៉ូតូឌុបទៅប្ដឹងប៉ូលិសប៉ុស្ដិ៍ជាច្រើនកន្លែងហើយ តែសមត្ថកិច្ចមិនព្រមទទួលពាក្យបណ្ដឹង ទើបនាងទៅប្ដឹងប៉ុស្ដិ៍នគរបាលសង្កាត់ផ្សារដើមគនេះ ក្នុងគោលបំណងប្ដឹងសន្ដិសុខនៅក្លឹបកម្សាន្តមួយដែលបានចាប់ទាញ នាងចេញពីក្នុងក្លឹបពេលដែលនាងទៅផឹកស៊ីនៅក្នុងក្លឹបនោះ ដោយចោទថានាងស្រវឹងបង្កភាពរញ៉េរញ៉ៃនៅក្នុងក្លឹបការពិតនាងមិន បានស្រវឹងអីទេ ។
សមត្ថកិច្ចមិនទាន់បានទទួលពាក្យបណ្ដឹងនៅឡើយ ត្រូវអ្នករត់ម៉ូតូឌុបដែលជាអ្នកដឹកនារីដើរប្ដឹងប៉ូលិសនោះបាន សុំប្រាក់ថ្លៃម៉ូតូឌុប ស្រាប់តែនារីនោះសួរថា យកប៉ុន្មាន ហើយនាងថា ២.០០០រៀលបានទេ អ្នករត់ម៉ូតូឌុបថា មិនបានទេ ព្រោះគាត់ឌុបទៅច្រើនកន្លែងណាស់ ។ លុះពេលនិយាយចុះឡើងនាងប្រាប់ថាអត់មានលុយទេ សូម្បីតែ២.០០០រៀលក៏គ្មានដែរ។ ពេលនោះសមត្ថកិច្ចបានជួយអន្ដរាគមន៍ឱ្យអ្នករត់ម៉ូតូឌុបនោះត្រឡប់ ទៅវិញដោយមិនបានប្រាក់ទេ ហើយនារីនោះក៏ដើរចេញត្រឡប់ទៅវិញដែរ ប៉ុន្ដែដោយសារតែអ្នករត់ម៉ូតូឌុបមិនអស់ចិត្ដខំប្រឹងឌុប ពេញមួយយប់ហើយមិនបានលុយមួយសេនសោះក៏ជិះម៉ូតូតាមទារលុយនារី នោះ តែត្រូវនារីនោះយកកាបូបវាយចង់ទ្រោមខ្លួន ហើយស្រែកឡូឡាធ្វើឱ្យផ្អើលគេឯងថែមទៀត។ ភ្លាមៗអ្នករត់ម៉ូតូឌុបក៏បើកម៉ូតូចេញទៅបាត់ដោយមិនបានលុយមួយ សេនទេ បានត្រឹមតែខ្មាស់គេ៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]