ឥណ្ឌា៖ ប្រជាជនរស់នៅភូមិ Thorang ដែលជាភូមិដាច់ស្រយាលមួយ ក្នុងស្រុក Lahaul-Spiti ប្រទេសឥណ្ឌា បានធ្វើតេស្ដវិជ្ជមានជំងឺកូវីដ-១៩គ្រប់ៗគ្នា លើកលែងតែបុរសម្នាក់ប៉ុណ្ណោះ បើទោះជាករណីឆ្លងនេះ គឺជាការផ្ទុះឡើងដ៏អាក្រក់បំផុតមួយ នៃតំបន់ភ្នំនេះក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រជាជនសរុបដែលបានធ្វើតេស្ដវិជ្ជមាន មានចំនួន៤១នាក់ មិនរាប់បញ្ជូលលោក Bhushan Thakur វ័យ ៥២ឆ្នាំ ដែលចៀសផុតពីរោគឆ្លងនេះ ដោយលោកគ្រាន់តែគោរពតាមការណែនាំនានា ដែលបានកំណត់។
ជាក់ស្ដែង លោក Bhushan បានមានប្រសាសន៍ថា៖
មនុស្សចំនួន ៦នាក់នៅក្នុងគ្រួសាររបស់ខ្ញុំ ក៏បានធ្វើតេស្ដវិជ្ជមានដូចអ្នកដទៃដែរ។ តែមូលហេតុចំបង ដែលខ្ញុំបានធ្វើតេស្ដអវិជ្ជមានជំងឺនេះ គឺដោយសារខ្ញុំបានពាក់ម៉ាស់ការពារ លាងដៃសម្លាប់មេរោគ និងរក្សាគម្លាតសង្គមជាដើម ហើយខ្ញុំក៏បានផ្ដាច់ខ្លួនពីពួកគេ តាមរយៈការចម្អិនអាហារបរិភោគដោយខ្លួនឯង និងស្នាក់នៅក្នុងបន្ទប់ផ្សេងពីពួកគេផងដែរ។ ហើយមូលហេតុនៃការរាលដាលនៅក្នុងគ្រួសាររបស់ខ្ញុំ គឺដោយសារអាកាសធាតុត្រជាក់ ដូច្នេះពួកគេបានប្រមូលផ្ដុំគ្នាក្នុងបន្ទប់តែមួយ ដើម្បីអង្គុយអាំងភ្លើងរួមគ្នា។
តាមពិតទៅ បើតាមស្នងការរងនៃសង្កាត់ Lahaul-Spiti បានឲ្យដឹងថា ប្រជាជនសរុបក្នុងភូមិនេះ មានប្រហែល១៦០នាក់ឯណោះ តែដោយសាររដូវរងា (សីតុណ្ហភាពអាចចុះដល់ក្រោម ០អង្សាសេ) ទើបពួកគេផ្លាស់ទីលំនៅទៅកន្លែងផ្សេងទៀត ហើយអ្នកនៅសេសសល់ទាំង ៤២នាក់នោះ បានធ្វើតេស្ដនៅថ្ងៃទី១៣ ខែវិច្ឆិកា ដោយមនុស្សចំនួន ៤១នាក់ទទួលបានលទ្ធផលតេស្ដវិជ្ជមាន។ ហើយមូលហេតុដែលនាំឲ្យមានការឆ្លងរាលដាលពេញមួយភូមិបែបនេះ គឺដោយសារការប្រជុំសាសនាកាលពីថ្ងៃទី១៣ ខែតុលាកន្លងទៅ។
តែទោះជាយ៉ាងណាក៏ដោយ ប្រជាជនដែលបានធ្វើតេស្ដវិជ្ជមានទាំងអស់ មិនមាននរណាម្នាក់ស្ថិតក្នុងស្ថានភាពធ្ងន់ធ្ងរនោះទេ៕
Bong I.T